ကြိုတင်ပြင်ဆင်ခြင်း

မုန်တိုင်းပြီးလို့တစ်လ အကြာ(ဇွန်လ၊ ၂ ရက်နေ့၊တနင်္လာနေ့) မှာ အလှုခရီးတစ်ခုထွက်ဖို့ ကျွန်တော်တို့စီစဉ်နိုင်ခဲ့ပါတယ်။ဒီတော့ ၀ယ်စရာရှိတာတွေဝယ်၊ခွဲစရာရှိတာတွေခွဲပေါ့။လူတွေက ဒုက္ခသည်တွေအတွက် စားစရာပေးဖို့မမေ့ကြပေမယ့်၊ထည့်စားဆို့ ခွက်ယောက်၊ပန်းကန်တွေ ပေးဖို့ကို မေ့နေတတ်ကြတယ်လို့ တွေးမိကြပြီး စတီး ပန်းကန်တွေ၊ဇွန်းတွေ ၀ယ်ကြတယ်။နောက် ကလေးတွေ အတွက်လည်း စားစရာ မုန့်လေးတွေရောပေါ့။နောက် ထုံးစံအတိုင်းဆန်၊ဆီ၊ဆား ပေါ့ကိုယ့်ဆရာရယ်။အဲ.. ဆန်ကတော့ ဒီမှာဈေးကြီးမယ်ဆိုပြီး ကျုံမငေး ရောက်တော့မှဝယ်ဖို့စီစဉ်တာပေါ့လေ။ နောက်ကျွန်တော်တို့လမ်းမှာစားမယ့် မုန့်တွေ၊ခေါက်ဆွဲခြောက်တွေ၊သောက်ဖို့ ရေသန့်ဗူးတွေ၊ အားလုံးစီစဉ်ပြီးတော့ ၂ ရက်နေ့ နံနက်စောစော စထွက်မယ်ဆိုပြီး အတည်ပြုလိုက်ပါတယ်။

အသွားခရီး(၁)

စထွက်မယ်ဆိုတဲ့ စုရပ်ကို ရောက်တော့ ၇ နာရီ နည်းနည်းတော့ ကျော်ပါပြီ။ လူတွေ ကတော့ အစုံမရောက်သေးဘူးပေါ့လေ။ လူတွေစောင့်ရင်း ပစ္စည်းတွေ ကို သွားမယ့် လိုက်ထရပ် ကားလေးပေါ်တင် ပြီး လူစုံတော့ ထွက်ကြပေါ့ဗျာ။ အဖွဲ့ ကိုဦးဆောင်တဲ့ ကို ထွန်းဦး ကိုယ်တိုင် ကားမောင်း ပြီး ကိုတရုတ် က ဘေးကလိုက်ပေးပါတယ် ။ ကျွန်တော်အပါအ၀င် ကျန်တဲ့လူတွေကတော့ နောက်ကထိုင်လိုက်ကြတာပေါ့ဗျာ။လူကတော့ အားလုံးပေါင်း ၁၀ ယောက်တိတိပေါ့။ ရန်ကုန်၊လှိုင်သာယာ ဂိတ်ကျော်တော့ ၈နာရီကျော်….။

စထွက်လို့မှ မကြာလို့ ကားက ရေ စဆူပါတော့တယ်။ ဒီတော့ ထိုင်ခုံလှန်ပြီး ရေတိုင်ကီကို စစ်ကြဆေးကြနဲ့ ဘာမှ မဖြစ်တော့မှရေလဲပြီး ဆက်မောင်ကြပေါ့ဗျာ။ နောက်ရန်ကုန် နဲ့ ဧရာဝတီ တိုင်းအစပ်နားရောက်တော့ နောက်တစ်ခေါက်ထပ်ဆူ ပါတယ်။ စိတ်ထဲက တော့ ခပ်ထင့်ထင့် ပဲ ကိုယ့်ဆရာရေ။ ကိုယ်က ကောင်းမှုကုသိုလ် ပြုဖို့ သွားတာပဲ၊ဘာမှ မဖြစ်နိုင်ပါဘူးဆို ပြီး ဖြေချလိုက်တယ်။ ဒီလိုနဲ့ ညောင်တုန်းကိုကျော်၊ဗိုလ်မြတ်ထွန်းတံတားကြီး ကိုဖြတ် ပြီတော့ ပန်းတနော် လမ်းခွဲကိုကျော်၊ဒီအထိကတော့ချောချောမောမော ပါပဲ။ ပြောစရာဆိုလို့ မိုးကဖွဲဖွဲရွာတာလေးဘဲရှိတယ်။ နောက်ပန်းတနော် လမ်းခွဲကိုကျော်လို့မှ သိပ်မကြာခင်မှာ ဇာတ်လမ်းစပါရောဆရာရေ။
လမ်းက မိုးရွာလို့ချောနေတာ ကို ဘီး ကစလစ်ဖြစ်ပြီး ကားတစ်စီးလုံးထိန်းမရသိမ်းမရ ဖြစ်သွား၊၃၆၀ဒီဂရီ မကအောင်ချာလပတ်လည်ပြီး လမ်းဘေးကို နောက်ပြန်ကြီး ကျတာဆရာ။ကံကောင်းတာက နောက်က လမ်းဘေးသစ်ပင်က ခံနေတော့ နောက်အမိုးကိုင်းနဲ့ အဲဒီ သစ်ပင်နဲ့တိုက်ပြီး ကားရရပ်သွားရောဗျာ။ အဲဒီနားမှာ သစ်ပင်က လဲ အဲဒီအပင်အပါအ၀င်၂ ပင်ထဲရှိတာ။ကံကြီးလို့ပေါ့ နော်။ မဟုတ်လို့ကတော့ မာလက၊ဈာန်ကြွလို့ ညောင်တုန်း ဆေးရုံလား၊ရင်ခွဲရုံလား တစ်ခုခုတော့ တစ်ခုခု ပဲဗျာ။ကားအမိုးကိုင်းနောက်အစွန်းလေးကတော့ တော်တော် ပိန့်သွားတယ်ဗျာ။

နောက် ကားမောင်းတဲ့ ကိုထွန်းဦး ကို စိတ်တွေ အရမ်းလှုပ်ရှားနေလို့ အနားပေးပြီး ကိုတရုတ်က ၀င်မောင်းပါတယ်။ ပန်းတနော်လမ်းဆုံကိုပြန်သွားပြီး ကားကိုပြန်စစ်တော့ နောက်ဘီးတွေက တစ်ဘီး လေနည်း၊တစ်ဘီးလေများ နေတယ်တဲ့။ဘက်မညီဘူးပေါ့ ကိုယ့်ဆရာရယ်။ဒီတော့ ဘီးတွေကိုလေချိန်၊ ခဏနား၊လဘ္ဖက်ရည်သောက် ပြီးတော့ ၀ါးခယ်မ ကို ဆက်ထွက်ကြတာပေါ့။ ပြောစရာကတော့ ကားလမ်းဘဲဗျာ။ တောက်လျောက်ကို ဆိုးဝါးနေတာ။လူတွေလဲ ကျောတွေ၊ရင်တွေကို နာလို့ပေါ့။ ၀ါးခယ်မ ကို မရောက်ခင် အားလုံးက နားပြီး ပါလာတဲ့ဒံပေါက်ထမင်းကို စားကြ နားကြပေါ့။ အချိန်ကတော့ ၁ နာရီခွဲ….။

ဝါးခယ်မ ကိုကျော်တော့ လမ်းကပိုတောင်ဆိုးလာသလားဘဲဆရာ။တောက်လျောက် ငြိမ်ငြိမ် ထိုင်လိုက်ရတယ်ဆိုလို့ ရွေလောင်း တံတား မှာဘဲရှိတယ်။ကျန်တာတွေကတော့ ဆိုးပ ဆိုတာထက်တောင်လွန်နေသေးတယ်ဗျာ။ရွှံဗွက် လမ်းတွေကလဲ ပါသေးတယ်ဗျာ။ဒီလိုနဲ့ ညနေ ၃ နာရီခွဲလောက်ကျတော့ ကျုံမငေး ကိုရောက်ပါတယ်။ ကျုံမငေးမြို့ကမြို့ငယ်လေးပါ။အဲဒီမှာ ရန်ကုန်ကလာတဲ့ တခြားအဖွဲ့နဲ့ဆုံပါတယ်။သူတို့လည်းကျွန်တော်တို့သွားမယ့် အလယ်ရေကျော်ရွာကိုပဲသွားမယ်ဆိုတော့ ပိုအဆင်ပြေတာပေါ့။ ဒီလိုနဲ့ ၂ ဖွဲ့ညှိပြီးနောက်နေ့မနက်စောစော ၄ နာရီလောက်ထွက်ဖို့ သဘောတူလိုက်ကြတယ်။

တည်းခိုစရာက လည်း တည်းခိုခန်းက ၂ ခုပဲရှိတာဆိုတော့သိပ်ရွေးနေစရာမလိုဘူးပေါ့ဗျာ။ကမ်းနားနဲ့နီးတဲ့တစ်ခုမှာတည်းပြီး ရေချိုး၊အနားယူ၊ပြီးတော့ ညနေစာစားကြပေါ့။

ကျုံမငေးရောက် ဒုက္ခသည်များ

တည်းခိုခန်းမှာရေချိုးပြီးတော့ နားနေကျတုန်းကျွန်တော်တို့ အဖွဲ့ ဆီကို ၀၀ဖိုင့်ဖိုင့်၊အသက် ခပ်ကြီးကြီး လူကြီးတစ်ယောက်ရောက်လာပြီး မေးတာပေါ့တယ်။ ငါ့လူတို့ကဘယ်ကလဲ၊ဘယ်ကိုလဲ၊ဘာလုပ်ကြမှာလဲပေါ့။ ကျွန်တော်တို့ကလဲ အလှုပေါ့၊အလယ်ရေကျော်ရွာကိုပါပေါ့။
နောက်တော့ အပြန်အလှန်မေးကြ ဖြေကြရင်းနဲ့ သူ့အကြောင်းတွေကို သိခွင့်ရလာတော့ တော်တော်ကိုသနားစရာကောင်းပါတယ်ကိုယ့်ဆရာ။ သူက ပြင်စလူ သားတဲ့၊ဆားကွင်းတွေ၊ဆားဖိုတွေ ပိုင်တယ်။လပွတ္တ မှာလဲအိမ်ကြီးရခိုင်နဲ့ပေါ့။ဒီနာဂစ်လာတော့ သူ့မိသားစုတွေအကုန်၊ မိန်းမ၊သား ၂ ယောက် ၊ချွေးမတစ်ယောက်၊ညီမ၊ သမီးတွေ၊မြေးတွေ အကုန်အကုန် ရေထဲပါသွားတယ်တဲ့ဗျာ။လပွတ္တက အိမ်ကလဲ ပြိုတယ်တဲ့။ဒီနောက်တော့ သူ့သားတစ်ယောက်က အသက်ကယ်အင်္ကျီ နဲ့ ပါသွားတယ်လို့သိရလို့ ကြားပြီး ၊ရှင်နေတုန်းဆိုတဲ့မျှော်လင့်ချက်လေးနဲ့ သူ့ခမျာ အိုကြီးအိုမ နဲ့ မြို့တကာပတ်၊ကယ်ဆယ်ရေးစခန်းတိုင်းကိုသွား ပြီးရှာပုံတော် ဖွင့်နေရှာတာတဲ့လေ။စိတ်မကောင်းဘူးဗျာ။သူကပြောရှာပါတယ”ငါ့မှာ ပိုက်ဆံတွေ ဘဏ်ထဲကျန်ပါသေးတယ်၊ငါချမ်းသာပါသေးတယ်။ဒါပေမယ့်ငါစိတ်ကလုံးဝကိုမချမ်းသာဘူးကွာ။မင်းတို့မိဘတွေ မင်းတို့ကိုချစ်သလိုမျိုး၊မိဘတွေက သားသမီးတွေကို အားရပါးရချစ်တာမျိုး၊ငါ့မှာချစ်ခွင့်မရှိတော့ဘူး”တဲ့။ကျွန်တော်တို့လဲ သနားတာနဲ့ သူ့ကို ညနေစာ အတူစားဖို့ ခေါ်ပြီး အတူစားကြ၊၀ိုင်းအားပေးကြပေါ့ဗျာ။

နောက်ထမင်းစားပြီးလို့ကမ်းနားမှာ ဟိုကြည့်ဒီကြည့်လိုပ်နေကြတုန်းမှာ လူတစ်ယောက်က “ကျွန်တော့သမီးလေးတော့ ဒုက္ခပါပဲ၊နားရွက်လေးတော့ အဖြတ်ခံရပြီထင်ပါတယ်။ကျွန်တော့သမီးလေး..ကျွန်တော့သမီးလေး” နဲ့ပြောနေတဲ့လူတစ်ယောက်ထပ်တွေ့ပါရောဗျာ။ကျွန်တော်တို့လဲ မေးကြမြန်းကြပေါ့။ဒီလူက ပိုဆိုးတယ်ဗျ။ စိတ်နဲ့လူနဲ့တောင်မကပ်တစ်ချက်ကပ်တစ်ချက်နဲ့၊ပြောရရင်တော့နည်းနည်းတော့ ကြောင်နေသလိုပဲ။ ဟုတ်ပေမပေါ့ဗျာ။ သူ့မှာက
တွယ်တာစရာဆိုလို့ဒီသမီးလေးတစ်ယောက်ပဲရှိတာတဲ့။မိန်းမက သမီးခပ်ငယ်ငယ် ကပဲသေသွား၊ဒီသမီးလေးကိုပဲ အရိပ်တစ်ကြည့်ကြည့်နဲ့ ချစ်နေရတာ၊ဒီသမီးလေးကသာသူ့ဘ၀တဲ့။ချစ်လွန်းလို့ရှိစုမဲ့စုလေး နဲ့ ရွှေနားကပ်လေး တစ်ရံဝယ်ပန်ပေးထားခဲ့တာ၊ခု သမီးလေးက ရေထဲပါသွားတယ်။နောက်အလောင်းတွေက ရွှေ တွေ ငွေတွေ ရှိရင် ချွတ်ယူတယ်၊မရရင်ဖြတ်ပြီးယူတယ်ကြားတော့ သူ့ခမျာခုလိုဖြစ်ရှာတာပေါ့ဗျာ။ကျွန်တော်တို့လဲသူ့ကိုချော့မော့ပြီး ပြန်ထွက်လာခဲ့ရတယ်။

ကျုံမငေးမှာ မြို့ခံတွေဆီက ကြားရတဲ့ တူညီတဲ့ သတင်းစကားတွေက တော့ အရောက်အပေါက်နည်းတဲ့ရွာသိမ်ရွာငယ်လေးတွေဆီထိရောက်အောင်သွားပေးကြပါ၊အဲဒီလိုဆိုပိုကောင်းပါတယ် ဆိုတာပါပဲ။နောက်တစ်ချက်ကတော့ ထုံးစံအတိုင်း ရိပ်စားဖြတ်စားတွေ အကြောင်းပေါ့။ညစ်ပါတယ် ကိုယ့်ဆရာရယ်။ဒါတွေက နေရာတိုင်းကိုကြားနေရတယ်ဗျာ။ညရောက်တော့ ကိုယ်တိုင်ျိကြုံရပါလေရောဗျာ။ လူတစ်ယောက်က တည်းခိုခန်းရှေ့ကျွန်တော်တို့ထိုင်နေတဲ့ နေရာနားမှာလာပြီး အထုပ်တစ်ထုပ်ကိုင်လို့ တစ်ကြွားကြွားနဲ့။ကြည့်လိုက်တော့ အိန္ဒိယ က အကူအညီပေးတဲ့ ပစ္စည်းထုပ်ဖြစ်နေတယ်။ မီးဖိုစင်အသေးလေး၊လောင်စာခဲလေး ၄/၅ တုံးနဲ့ ၊ပြီးတော့ မီးခြစ်ဗူးလေးတစ်ဘူး၊ကျန်တာတွေကတော့ ဂျုံနဲ့နယ်ထားတဲ့ စားစရာတွေလို့ပြောတာပဲ။ချာပါတီတို့၊ပူရီ တို့လိုများမသိဘူးဗျာ။
ဒီလူက အရက်လေးလဲနည်းနည်းဝင်ထားတယ်ဗျ၊နာမည်ကတော့ လှမင်းဆိုလား၊လှဝင်းဆိုလားပဲ။အဲ..ဒါနဲ့စောစောက သားပျောက်ရှာနေတဲ့ အဖိုးကြီးက မေးတာပေါ့။သူကလဲညစ်နေတာမဟုတ်လား။”ဒါတွေကဒုက္ခသည်စခန်းကပေးတာလား၊
မင်းကဘယ်စခန်းကလဲ”ဆိုပြီးမေးတော့ ဟိုလူကလဲ “ကျုပ်က ပြင်စလူကပါ”ဆိုတော့ အဖိုးကြီးက ဒေါတွေကန်ပြီး အဲဒီလူခါးကြားက လမ်းလျှောက်စကားပြောစက် ကို ဖျက်ကနဲ ဆွဲယူပြီး “ဒါကရော၊ဒုက္ခသည်စခန်းကပေးတာပဲလား” လို့ဘုမေးတော့ ဟိုကလူက ၀ူးဝူးဝါးဝါးတွေဖြစ်ကုန်ရော။ရုပ်ပျက်လွန်းပါတယ်ဆရာ။

၉နာရီလောက်ကျတော့ မနက်စောစောထရအောင် ဆိုပြီးအိပ်ရာဝင်ကြပါတယ်။ကျွန်တော်ကတော့ အိပ်သာအိပ်ရတာပါ။အိပ်မပျော်ဘူးဗျာ။ညနေကကြုံခဲ့တဲ့လူတွေရဲ့ ဒုက္ခ၊မဖြစ်သင့်တာတွေဖြစ်နေတာတွေ၊ကျွန်တော်အိပ်မရဘူးဗျာ။
လူ့အသက်ပေါင်းများစွာကိုဝါးမျိုခဲ့တဲ့ နာဂစ်ရဲ့လှိုင်းတွေက ကျွန်တော့ရဲ့ရင်ကို တ၀ုန်းဝုန်းနဲ့ ပုတ်နေလို့ပါကိုယ့်ဆရာရယ်။နောက်တော့ တစ်ချက်မှေးခနဲဖြစ်သွားပြီး၊ကိုထွန်းဦးလာနိုးသံကြားတော့မှ ပြန်နိုးလာတယ်။နာရီကြည့်တော့ ၂နာရီ ၄၅ …..။

အသွားခရီး(၂)

သဘောင်္ဆိပ်ကိုရောက်တော့ မှောင်နဲ့မဲမဲ ပဲရှိသေးတယ်ဗျ။ ကျွန်တော်တို့နဲ့အတူသွားမယ်ဆိုတဲ့ ဟိုဘာသာခြားအဖွဲ့ကိုလဲမတွေ့သေးဘူး။
ဒါနဲ့ပဲငုပ်တုပ်လေးတွေထိုင်စောင့်နေကြရင်းပဲ ၄နာရီခွဲသွားပါရော။သူတို့တွေရောက်လာကြတော့ သူတို့ ပစ္စည်းတွေပဲ့ထောင်ပေါ်တင်ကြပေါ့။ကျွန်တော်တို့ဆန်အိတ်တွေကတော့ တင်နှင့်ပြီးသားဆိုတော့ ဆက်ထိုင်စောင့်နေကြရုံပါပဲ။နောက်တယက်ထွက်ဖြစ်တဲ့အချိန်ကြတော့ ၅နာရီစွန်းစွန်းလေးဖြစ်နေပါပြီ။ပဲ့ထောင်ပေါ်မှာလဲ ညကကောင်းကောင်းမအိပ်ခဲ့ရတော့ ဆက်ပြီးမှိန်းလိုက်လာခဲ့လိုက်တာ၊အလယ်ရေကျော်ကိုရောက်တော့မှဘဲနိုးတော့တယ်။ ၃နာရီနီးပါးစီးလိုက်ရတာပေါ့ဗျာ။နာရီကြည့်တော့ ၈ နာရီနားမှာ….။

အခက်အခဲအချို့ နဲ့အစပြုခြင်း

သိတဲ့အတိုင်းပဲကိုယ့်ဆရာရေ။ဘယ်အလုပ်မဆိုကောင်းတာပဲဖြစ်ဖြစ်၊ဆိုးတာပဲဖြစ်ဖြစ်ပေါ့။လုပ်မယ်ဆိုတိုင်းအနှောက်အယှက်၊အခက်အခဲလေးတွေ
တော့ ကြီးကြီး၊သေးသေး ရှိတတ်မြဲမဟုတ်လားဗျာ။ ကျွန်တော်တို့စီးလာတဲ့ပဲ့ထောင်နဲ့က မနေ့ ညနေကညှိတော့ ကောင်းပဲ၊ဒီလဲရောက်ရော၊မဟုတ်ဘူး .. ဟိုလိုမှ ဆိုပြီးဖြစ်သွားရောဗျာ။ကျွန်တော်တို့စီစဉ်တာက သိပ်မပျက်ဆီးလှတဲ့အလယ်ရေကျော်ရွာမကြီးမှာ သိပ်များများမလှုတော့ပဲ အနီးအနားက ရွာငယ်လေးတွေဆီကိုအဓိက ထားမယ်ဆိုပြီးတော့ပါ။သူက ဒီရောက်တော့မှ ဒီလမ်းကြောင်းဆို သူမလိုက်ဘူး၊သူပြတဲ့လမ်းကြောင်းကိုကျွန်တော်တို့သွားနိုင်မှဘဲ လိုက်မယ်ဆိုပြီးတော့ဖြစ်သွားတာဗျ။လူတွေကလဲ တော်တော်ကိုမကောင်းတာပါ။
သူထင်တာ ကျွန်တော်တို့က ဒီနေရာမှာ အစိမ်းသပ်သပ်လို့ထင်ပုံပဲ။ ကျွန်တော်တို့အဆက်အသွယ်၊အသိအကျွမ်းတွေ ဒီမှာရှိနေတာကို သူတို့သိပုံမရဘူးဗျ။ဒါနဲ့ စကားသိပ်များများပြောမနေတော့ပဲ၊ရွာခံအသိတွေကို မြန်မြန်သာဆက်သွယ်ပြီး
သူ့လောက်မကြီးတဲ့ပဲ့ထောင်လေးတစ်စီးငှားပြီးစကြရတယ်လေ။ ဒီနေရာမှတစ်ချက်ပြောချင်တာက တော့ ၊
ဒီရွာမှာလဲကျုံမငေးမှာတုန်းကလိုပဲ၊ ဘတ်ကီးဇာတ်လမ်းတွေ ကိုမကြားချင်တဲ့အဆုံးဗျာ။ရာအိမ်မှုး၊ဆယ်အိမ်မှုးတွေကလာသမျှကို
ရွာသားလက်မဝေဘဲ အိမ်ထဲထည့်သော့ခတ်ပြီး ၀လင်နေတဲ့အကြောင်းတွေပေါ့။ရွာခံ အိုအိုပျိုပျိုတွေက တိုးတိုး တစ်မျိုး၊ကျယ်ကျယ်တစ်ဖုံနဲ့ ကျွန်တော်တို့မကြား၊ကြားအောင်ကို ရွာလယ် အ၀င်လမ်းမ တစ်လျှောက် ကို ပြောနေတော့တာပါ။

ဒီလိုနဲ့ ပဲ့ထောင်လေးငှားရတော့ ရွာခံ ဦးပဇင်းတစ်ပါးက သူကူညီပြီးလိုက်ပေးမယ်တဲ့။ ဦးဇင်းက ရွာက ကျွန်တော်တို့အသိတွေနဲ့က ဆွေမျိုးမကင်းဘူးဆိုပါတော့ဗျာ။နောက်ပဲ့ထောင်လိုက်မောင်းပေးတဲ့ညီလေး၂ယောက်ရောပဲ၊အကုန်ရပ်ဆွေရပ်မျိုးတွေပဲတဲ့။
ကျေးဇူးတင်ပါတယ်ဗျာ။တကယ်ပါ။သူတို့ကလဲ သူတို့ဆီလာပြီးကူညီတဲ့သူတွေကို အားတက်သရောပဲပြန်ကူညီကြတာပေါ့။
ပဲ့ထောင်သွားခေါ်နေတုန်းရွာခံတွေက ရွာနားလယ်ကွင်းတွေဆီခေါ်သွားပြီးအ ရိုးစုတွေရှိတဲ့နေရာတွေကို ပြကြတယ်ဗျာ။ရင်ထဲမှာတော်တော်ကို မကောင်းဘူးဗျာ။ ဒီကြားထဲ အရိုးစုတစ်ခု ရှိနေတဲ့ ရေမြောင်းလေးထဲကို ကိုယ်ကမသိဘဲခြေဆင်းဆေးမိလိုက်သေးတယ်။ အရိုးစုကို ထန်းလက်တွေနဲ့ဖုံးထားတာလေဗျာ။နောက်တွေ့တဲ့လူက “ဟေ့..ညီလေး ၊ဒီထဲမှာလဲတစ်ခုရှိတယ်နော်” ဆိုတော့ မှသိတာ။ ဗိုက်ထဲမှာ ကလိကလိနဲ့ ၊ ကိုယ့်ခြေထောက်ကို ကိုယ်ပြန်ပြန်ငုံကြည့်ပြီး ကလ်ိကလိ ဖြစ်ဖြစ်သွားတယ်ကိုယ့်ဆရာရေ။ဒီလိုနဲ့ ပဲ့ထောင်ကိုဆီဝယ်ထည့်၊
ကုန်တွေကိုပြန်ပြောင်းတင်နဲ့ လုပ်ကြတယ်လေ။စထွက်ဖြစ်တော့ ၁၁ခွဲကျော်……။

အလှုခရီး

စထွက်ထွက်ချင်း ၀င်ဖြစ်တာက ရေကမြင်း ၂ တဲ့။ရေကမြင်းက ၁ နဲ့ ၂ ဆိုပြီးရှိတာတဲ့။
ရွာကစေတီနဲ့ဘုန်းကြီးကျောင်းပျက်ပဲကျန်တယ်ဗျာ။ဘုန်းကြီးတွေကတော့ တော်တော် ကို အသက်ကြီးနေကြပါပြီ။
ကျောင်းထိုင်တဲ့ဆရာတော်ကြီးဆိုရင်ကို အသက်က ၈၀ ကျော်နေပြီတဲ့ဗျ။ဒီတော့ ဆရာတော်ကြီးဆီကို ဆန်တစ်အိတ်နဲ့ဝတ္တုငွေတစ်သောင်းအရင်လှု၊ပြီးတော့မှ အနီးအနားက တဲကုတ်လေးတွေကို အဖြစ်ထိုးပြီးနေတဲ့ဒုက္ခသည်တွေ ကိုဆန်ဝေ၊ပန်းကန်တွေဝေပေါ့။အိမ်ထောင်စုကသိပ်မများတော့ မြန်မြန်သွက်သွက်ပဲဝေ လိုက်နိုင်ပါတယ်။ လူတစ်ဦးကိုဆန်တစ်ပြည်နှုံးနဲ့ဝေ၊တစ်အိမ်ထောင်ကို ပန်းကန်ကြီးသေးတစ်စုံနဲ့၊ဇွန်းက ၂ ချောင်း ။ကလေးတွေအတွက်က တော့ပါသွားတဲ့ မုန့်(ဘီစကွတ်)ထုပ်လေးတွေဝေပေးနဲ့ ပေါ့ကိုယ့်ဆရာရေ။

နောက်တစ်ရွာက ကံစုတဲ့။ဒီမှာတော့ လူဦးရေကတော်တော်များသားလားဗျာ။ ရွာရှိတဲ့နေရာ တင်မကဘူး၊ချောင်းရိုးတစ်လျှောက်
တဲလေးတစ်ခုနှစ်ခုနဲ့ ခွဲနေ နေကြတဲ့အိမ်လေးတွေတွေ့တော့ ၊တွေ့သမျှ ကို “ရှေ့ကိုလာကြ၊ဘယ်ရွာကိုလာကြ၊ဆန်ပေးပါမယ်” ဆိုပြီးခေါ်ခဲ့တာ၊လူကြီးရောကလေးတွေပါမကျန်လှေလေးတွေကိုယ်စီလှော်လို့လာကြတယ်ဗျာ။တစ်ချို့ အရမ်းအလှမ်းဝေးတဲ့ အိမ်ကလူတွေကတော့ ရှိတဲ့လှေလေးတွေနဲ့ ကျွန်တော်တို့ပဲ့ထောင်လေးနားလာကပ်ပြီးယူသွားရှာတယ်။ နောက်လမ်းမှာ လူကြီးတွေ မရှိဘဲ ကလေးတွေပဲရှိနေတဲ့ တဲလေးတွေကိုတော့ မုန့်ထုတ်လေးတွေ ပဲလှေပေါ်ကနေ လှမ်းပစ်ပေးလိုက်နိုင်တယ်ဗျာ။ ကမ်းပေါ်မရောက်ပဲရေထဲပဲကျလို့ရှိရင်လဲ ရေထဲ ကို ဒိုင်ဗင်ထိုးဆင်းပြီး ရေကူးလို့ လိုက်ယူကြတာ ဗျာ။သနားစရာကောင်းပုံများ ကိုယ့်ဆရာတို့ကို မြင်စေချင်တာ။တစ်ကယ်ဗျာ။အဲ.. ပြောရင်း လိုရင်းကမရောက်တော့ဘူးဖြစ်နေပြီ။ အဲဒီကံစုမှာတင် ဆန်အိတ် ၈အိတ်၊၉အိတ်လောက် ဝေလိုက်၊လှုလိုက်ရတယ်။အချိန်လည်း၁ နာရီခွဲ ၂နာရီ နီးပါးလောက်ကုန်သွားတယ်။ဒီထက်ပိုထူးတာက လာတဲ့ကျွန်တော်တို့ကို ရွာက လူတွေက ၀ိုင်းရှစ်ခိုးကြတာပဲ။ပါးစပ်ကလဲ ဆုတွေတောင်းလို့ပေါ့။နောက်ပြီးတော့ ပြောသေးတယ်။
“ဘာကိုပဲလာပေးပေး၊ဘယ်လောက်ပဲလာပေးလာပေး၊ ကျေးဇူးတင်တယ်တဲ့။ကျွန်တော်၊ကျွန်မတို့ဘ၀က ဘာဆိုဘာမှရှိတော့တာမဟုတ်ဘူးတဲ့” ..ဗျာ။ဘယ်လောက်များ ဟတ်ထိတဲ့ စကားတွေလဲ ဗျာ။ကျွန်တော်တို့လှေပေါ်ပြန်တက်လို့ သွားမယ်ဆိုပြီးလက်ပြတော့လဲ အမယ်အိုကြီးတစ်ယောက်က အနားကမခွာပဲ လက်အုပ်လေးချီပြီး ပါလာတဲ့ဦးပဇင်းလေးကိုရှစ်ခိုးတုန်း။
ကျန်တဲ့လူတွေရော၊လှမ်းကြည့်လိုက်တော့ တော်တော်များများက လက်အုပ်လေးအချီမပြတ်ပါပဲ။

နောက်ဆက်ဝင်ဖြစ်တဲ့ရွာကတော့ ထင်းစုတဲ့ ။ဒီရွာကိုတော့လက်ရောက်မဝေဖြစ်တော့ပါဘူး။ တာဝန်ရှိတဲ့လူ ခေါ်၊ ပြီးတော့ ရပ်မိရပ်ဖတွေ ကိုလည်းခေါ် ပြီး အားလုံးရှေ့မှာဆန်အိတ်တွေ၊ ပန်းကန်ခွက်ယောက်နဲ့ဇွန်းတွေကို ခွဲတမ်းနဲ့ချပေးပြီး အပ်ခဲ့တာ၊ပြီးတော့ ရွာသားတွေအားလုံးရှေ့မှာပဲ ရာအိမ်မှုးဆိုတဲ့လူ ကို အကုန်ဝေပေးပါမယ်ဆိုတဲ့ ဂတိကို တောင်းပြီးတော့ ထားခဲ့ရတယ်ပေါ့ဗျာ။ အချိန်ကမရှိတော့ဘူးလေ။နောက်ရွာတွေလဲဝင်ရ၊ပေးရဦးမယ်မဟုတ်လား။အဲဒီက ထွက် လို့မှ ချောင်းကြီးကိုဝင်၊အဲဒီက ပြန်အထွက်မှာပဲ မိုးကြီးကလဲဗျာ၊ဘယ်အငြိုးနဲ့ ရွာတာလဲတော့ မသိတော့ဘူး။တစ်ဝုန်းဝုန်းနဲ့ဗျာ။ပဲ့ထောင်လေးကမှ အမိုးအကာကောင်းကောင်းမပါတော့ကျွန်တော်တို့မှာ ရွှဲရွှဲ ကိုစိုရောဗျာ။တစ်လမ်းလုံးပဲဆိုပါတော့။ ဒီနေရာမှာတော့ ဦးပဇင်း ကိုတော့ တော်တော် ကို ချီးကျူးရမှာပဲဗျာ။မိုးရွာထဲမှာပဲ ပါလာတဲ့မိုးကာနဲ့ ဆန်အိတ်တွေကို လိုက်ပြီးမိုးရွာကြီးထဲ လိုက်ဖုံးနေတာလေ။ အမှန် သူမလုပ်ပဲ ကျန်တဲ့ကျွန်တော်တို့ကို ခိုင်းလဲရ ပါတယ်။ ဒါပေမယ့် ဒီလိုမျိုးလုံးဝမရှိဘဲ သူကိုတိုင် တက်တက်ကြွကြွ ပဲလုပ်စရာရှိတာတွေကို လိုက်လုပ်ပေးတယ်ဗျာ။ လေးစားမှုဆိုတာ ကိုယ်က လုပ်ယူပါမှ၊ကြိုးစားပါမှ ခံယူခွင့်ရှိတာမဟုတ်လားဗျာ။ ဘာမှမလုပ်ပဲ သတင်းစာတွေထဲက နေပြီး၊ငွေကျပ်သန်းပေါင်းဘယ်ရွေ့ ၊ဘယ်မျှ သုံးစွဲခွင့်ပြုပြီးကြောင်း အသံကောင်းဟစ်နေတဲ့ သူတွေနဲ့များကွာချင်တိုင်းကွာနေတာပေါ့ကိုယ့်ဆရာရယ်။သိရသလောက်တော့ သီတဂူဆရာတော်ကြီး၊ဓမ္မဓူရ ဆရာတော်၊ မေတ္တာရှင်ဆရာတော် အစရှိတဲ့အနယ်နယ်အရပ်ရပ်ကထေရ်ကြီး၊၀ါကြီး ဆရာတော်ကြီးများကလဲ ကယ်ဆယ်ရေးလုပ်ငန်းတွေမှာ ကိုယ်တော်တိုင်ပဲ တက်တက်ကြွပဲ ဦးစီးလို့လုပ်ကိုင်နေကြတယ်တဲ့။မြန်မာနိုင်ငံမှာသံဃာဂိုဏ်းဆိုတဲ့
ကယ်တင်ရှင်ဂိုဏ်းကြီးရှိနေလို့ပါပဲဗျာ။ဆရာတော်၊သံဃာတော်တွေရဲ့ကျေးဇူးကြောင့်သာပဲ။စစ်အစိုးရရဲ့ အသုံးမကျ၊ခြစားပြီး လောက်ထွက်နေတဲ့ဗျူရိုကရေစီအုပ်ချုပ်ရေးယန္တရားနဲ့သာဆိုရင်တော့ဒီလိုဘေးဆိုး၊ကပ်ဆိုးကြီး မှာကယ်မယ့်ဆယ်မယ့်
သူမရှိဘဲ ငတ်သေမယ့် မသာတွေများ ဘယ်လောက်တောင်ရှိလာလိုက်မလဲမသိတော့ဘူးဗျာ။

နောက်ဆက်တိုက်ပဲ တွေ့တဲ့ရွာလေးတွေကို မိုးထဲရေထဲမှာပဲ ၀င်ပြီးခွဲတမ်းနဲ့ချပေးလိုက်တာ စုစုပေါင်း ရွာလေး၆ရွာတိတိ ကျွန်တော်တို့တွေ ကုသိုလ်ယူနိုင်လိုက်ပါတယ်။အဲ .. နောက်ဆက်ဝင်တဲ့ရွာလေးတွေက တော့ ချောင်းကြီး ၊မြင်းကကုန်း နဲ့ ရေကမြင်း၁ ဆိုတဲ့ရွာလေးတွေပါပဲ။ လမ်းတစ်လျှောက်ကတစ်ချို့နေရာတွေမှာ ဟိုတစ်ချိန်က တဲအိမ်လေးတွေရှိခဲ့ဖူးတဲ့ အမှတ်အသား လေးတွေ အဖြစ်နဲ့မြေပုံပုံလေးတွေ ၊ လူသေ အလောင်းတွေရှိတဲ့ လက္ခဏာအဖြစ်နဲ့ ပုတ်အတ်အတ် အနံတွေ မကြာမကြာ ပဲ တွေ့ရ ၊ခံစားနေရတယ်ကိုယ့်ဆရာရေ။ရင်ထဲမှာ တစ်ကယ်ကိုမကောင်းဘူးဗျာ။ရွာခံတစ်ချို့ကလဲ ဒီနဲ့၃နာရီခရီးလောက်မှာ ဒုက္ခရောက်နေတုန်းလူတွေ၊ရွာတွေရှိနေသေးတဲ့အကြောင်း၊တစ်ချို့ရေငန်ရောက်တဲ့ဒေသတွေမှာဆို အလောင်းကောင်တွေက ငါးခြောက်သိပ်သလို ဖြစ်ပြီး အကောင်အထည်မပျက်ရှိနေသေးတဲ့ အကြောင်းပြောပြကြသေးတယ် ဆရာ။ဒါတွေကြားရတော့ စိတ်ထဲမှာ
တို့နိုင်ငံကလူတွေ၊ပြည်သူတွေဟာ ရှင်နေတုန်းကမှ အခွင့်အရေးတွေကို လှစ်လျုရှု ခံရ၊ငြင်းပယ်ခံနေရတာမဟုတ်ပါလား၊
သေပြီးနောက်လဲ လူလူသူသူ မြေမြုပ်ပေးပြီးသဂြိုလ် ခံရတဲ့ အခွင့်အရေးကိုလဲ ငြင်းပယ်ခံနေရပါလားလို့တောင် အတွေးတွေဝင်လာတယ်ဗျာ။

မြင်ရကြားရမျှ

နောက်အလယ်ရေကျော်ရွာမကို ပြန်ရောက်တော့ ညနေ၃ နာရီခွဲကျော်နေပြီလေ။ အဲဒီတော့မှ ရေစိုအ၀တ်တွေကိုလဲ ပြီးတော့ရွာခံအသိတွေကျွန်တော်တို့အတွက်အသင့်ချက်ပေးထားတဲ့ ထမင်းနဲ့ဟင်းကို စားပြီး ခဏနားပေါ့။ ပြီးတဲ့နောက်မှ ရွာထဲကို အပျက်အစီးအခြေအနေလေးသိရအောင်စနည်းနာပေါ့ဗျာ။တွေ့၊ကြားခဲ့တာတွေကတော့ တစ်ရွာလုံးမှာရှိတဲ့ ဒုက္ခသည် ထောင်ကျော်အတွက် ရွက်ဖျင်တဲက တစ်လုံး၊ဆန်က၂အိတ်၊အမျိုးသမီးလစဉ်သုံးပစ္စည်းက ၂ ထုတ်၊ခြင်ထောင် ၅ လုံးတို့ဆိုတာမျိုးပေါ့ကိုယ့်ဆရာရယ်။နောက် ပြီး ရဟတ်ယာဉ်က အတည့်မဆင်းပဲ ဘာဖြစ်မှန်းမသိပဲ လယ်ကွင်းထဲကို ထယ်ထိုးသလို ဟတ်ထိုးကြီးဆင်း၊ အဲဒီတော့ သတ္တိခဲ ရဟတ်ယာဉ်မှုးက ပေါက်ကွဲတော့မယ်အမှတ်နဲ့ ဆင်းပြေးတာကို ရွာသားတွေက နောက်ကနေ ပြီး” ဗိုလ်ကြီး..ဘာမှမဖြစ်ဘူး၊ပြန်လာခဲ့..ပြန်လာခဲ့” ဆိုပြီးမမောတမ်းလိုက်ခေါ်ရတာ၊ဒါမျိုးတွေလဲ ဒုက္ခတွေကြားကရယ်စရာလေးတွေအဖြစ်၊ ငိုအားထက်ရယ်အားသန်ဆိုသလိုကြားခဲ့ရတယ်ဗျာ။နောက်ပြီး မြန်မာတို့က မျက်လှည့်အတတ်ပညာမှာ အနောက်နိုင်ငံများက ဒေးဗစ်ကော်ပါဖီးတို့ထက်သာတဲ့အကြောင်းတွေလဲပါတယ်ဗျ။ရှင်းအောင်ပြောပြပါ့မယ်။
ဒီလိုပါ။ ကယ်ဆယ်ရေးပစ္စည်းတွေကို လာပို့တယ်တဲ့ဗျာ။ အာဟာရ ဘီစကွတ်တို့ဘာတို့ဆိုပါတော့။ ဂျပ်ပုံးပေါ်မှာတော့ ဗီတာမင် အေ ကနေ ဇတ် အထိပါတဲ့ အမှန်အကန် အာဟာရဘီစကွတ်တွေပဲ ၊ အဲ….ဂျပ်ပုံးလဲဖွင့်ရောတွေ့လိုက်ရတာတွေက ရွှေကျီးတို့၊ မြို့တော်တို့၊ သဇင်တို့အစရှိတာတွေပေါ့ဗျာ။နောက် အိန္ဒိယကပေးတဲ့ လူတစ်ကိုယ်ရေအတွက် အထုတ်လေးတွေမှာလဲ အိတ်ခွံပေါ်မှာတော့ အိန္ဒိယ မှကူညီသည် ဆိုတဲ့ စာသားနဲ့ပဲ၊ နောက် အထဲမှာပါတာတော့ ဈေးပေါပေါ ၀မ်းတွင်းပုဆိုးတို့၊ စက်မှု(၁) ရဲ့ရေလျှော်မခံတဲ့(ရေလျှော်ရင်နှစ်ပိုင်းပြတ်တတ်တဲ့)စောင်တို့ပါလာတတ်ပါတယ်တဲ့။နောက် ထိုင်းကပေးတဲ့ မယ်လမင်း ပန်းကန်တွေဆိုလဲဒီလိုပါပဲတဲ့။ဗူးပေါ်မှာတော့ မယ်လမင်းပဲ၊အထဲမှာတော့ စက်မှု(၁) က ကြွေရည်သုတ်တွေ။ တစ်ချို့ဆို ဒေါသတွေထွက်ပြီး သူတို့ရှေ့မှာတင်ကို အဲဒီ ကြွေရည်သုတ်တွေကို မြေပေါ်ချပြီး ခဲနဲ့ထု၊ဖနောင့်နဲ့ဝိုင်းပေါက်ကြနဲ့ ပွဲတောင်ဖြစ်တယ်ဆိုပဲ။ဒါတွေပေါ့ ဗျာ။ကျွန်တော်တို့လဲ ကြားရတာ ရယ်လိုက်မောလိုက်၊စိတ်မကောင်းဖြစ်လိုက်နဲ့ ပေါ့ကိုယ့်ဆရာရေ။

အဲ..ပြောဖို့မေ့နေတာက ကျွန်တော်တို့နဲ့ အတူလာကြတဲ့ ဘာသာခြား တွေက ဒီရွာမှာရှိတဲ့ သူတို့ဘာသာဝင်တွေအတွက် ကို နွား၃ကောင်သတ်ပြီး ထမင်းကျွေးတာတဲ့ဗျာ။ကျွန်တော်တို့ မထွက်ခင်ကပဲ နွားကိုလည်လှီးနေတာ ကျွန်တော်တို့ရှေ့မှာတင်မို့ ကျွန်တော်တို့တွေ့လိုက်ရသေးတယ်။အဖွဲ့ထဲက ကိုမျိုးချစ်ကတော့ လယ်လုပ်သားမျိုးရိုးကဆင်းသက်လာတဲ့သူ၊
ငယ်ငယ်ကလဲလယ်ကွင်းတွေထဲ ပြေးဆော့ရင်းကြီးတဲ့သူဆိုတော့ ဘယ်လာမြင်ရက်ပါ့မလဲ။ပါးစပ်ကလဲ “သနားပါတယ်ဗျာ၊နွားကမှရှားပါးတဲ့ကြားထဲ” ဆိုပြီး မျက်နှာလွှဲသွားတာ။ နောက်ညနေပြန်ခါနီးရောက်တော့ အဲဒီဘာသာခြားတွေက ကျွန်တော်တို့ကို ညနေစာမစားရသေးရင်သူတို့ ၀တ်ပြုတဲ့ နေရာမှာ လိုက်လာစားပါ့လားလို့ဖိတ်တော့ ကျွန်တော်တို့တွေ ဘယ်စားရက်ပါ့မလဲဗျာ။ ကိုယ့်ဆရာပဲစဉ်းစားကြည့်လေ။ကိုယ့်ရှေ့မှာတင် လည်လှီးသတ်ထားတဲ့ မြင်သားကြီးဗျာ။သူတို့ကတော့ သူတို့ အချင်းချင်း ကျွေးတဲ့အပြင်ကို ကျန်တဲ့ရွာထဲက လူတွေ ကိုပါ ကျွေးသေးတယ်ဗျ။ကျွန်တော်တို့ကတော့ မစားဘဲ ရွာထဲကလဘ္ကက်ရည်ဆိုင်မှာပဲ ဖြစ်သလို မုန့်နဲ့ ကော်ဖီ၊လဘ္ကက်ရည်တွေနဲ့မျှောချပေါ့ကိုယ့်ဆရာရယ်။

ဒီလိုနဲ့ ကျွန်တော်တို့အဖွဲ့က သူတို့တွေ ကျွေးပြီးမွေးပြီး၊စားပြီးသောက်ပြီး တဲ့အချိန်ထိမော်တော်ပေါ်မှာငုတ်တုတ်လေးတွေ
ထိုင်စောင့်နေရတာပေါ့ဗျာ။ ခြင်ဆိုတဲ့ အကောင်မျိုးကလဲ ပေါပေါများများကိုရှိလေတော့ ကျွန်တော်တို့မှာငြိမ်ငြိမ်လေး
ကိုထိုင်မရအောင်ပါပဲ။ မတတ်သာတဲ့အဆုံးတော့ ရွာထဲပြန်သွား၊ခြင်ဆေးခွေဗူးတစ်ဗူးဝယ်ပြီး မော်တော်ပေါ်မှာလာထွန်းပြီးနေတော့မှပဲသက်သာတော့တယ်။၃ နာရီသာသာလောက်စောင့်ပြီး နာရီလက်တံတွေက ၈နာရီ ခွဲနားကို သီတော့မှပဲကိုယ်တော်များက ပေါ်တော်မူလာပါတော့တယ်ဗျာ။ ပစ္စည်းတွေ၊အိုးခွက်တွေပြန်တင်ပြီးချိန်ကျတော့ ၉နာရီစွန်းစွန်းကိုရောက်ရောပေါ့။ အဲဒီအချိန်မှ အလယ်ရေကျော် ဆိုတဲ့ ရွာကနေပြီး ကျုံမငေူမြို့ကို ပြန်ထွက်လာနိုင်ပါတော့တယ်ပေါ့ဗျာ။

အပြန်ခရီး

တစ်နေလုံးပင်ပန်းထားတာတွေ ကြောင့်လူက မော်တော်ပေါ်မှာ ငိုက်ပြီးပြန်ပါလာတယ်လေ။ ညကလဲမှောင်နဲ့မဲမဲ ဆိုတော့ ပတ်ဝန်းကျင် ကို မမြင်ရ ၊မခံစားရ ပဲ မဟုတ်လားဗျာ။မှတ်မှတ်ရရ မော်တော် ကသောင်ပေါ်ကို တစ်ခေါက်တင်သွားသေးတယ်ဗျာ။တင်ပေမပေါ့။
မှောင်နေတာကို မီးမှမပါကြတာ။ပြန်တွေးကြည့်တော့ တော်တော် တော့ အန္တာရယ်အကြီးသားနော်..ကိုယ့်ဆရာရေ။ဒါပေမယ့် နောက်ထပ်ဘာမှ မဖြစ်တော့ဘဲ ကျုံမငေးမြို့ ကိုချောချောမောမော ပဲည သန်းခေါင်လောက်မှာ ပြန်ရောက်ကြပါတယ်။ ပြန်ရောက်တော့ ဆက်တိုက်ပဲ ကိုထွန်းဦးနဲ့ ကိုမျိုးချစ်တို့ က ဆက်ထွက်ကြမယ်။ ညတွင်းချင်းပဲ ရန်ကုန်ကို ခရီးဆက်ကြမယ် ဆိုပြီး ကားပေါ်ကိုတက်ကြပါရောဗျာ။ ကျွန်တော်တို့လဲ မငြင်းသာတော့ဘဲနောက်ကလိုက်ကြရတာပေါ့။ ဒီလိုနဲ့ ရန်ကုန်မြို့ကို နောက်နေ့နံနက် ၈နာရီခွဲလောက်မှာ ပြန်ရောက်လာပါတော့တယ်ဗျာ။

ပြန်ရောက်ပြီးတဲ့နောက်မှာလဲ ကျွန်တော့ခါင်းထဲမှာ တွေးစရာတွေ က အများကြီး ၊အများကြီးပါ။ ကိုယ့်ဆရာတို့ကို ပြန်မပြောပြတော့ပါဘူးဗျာ။ ဒါပေမယ့် ကိုယ့်ဆရာတို့လဲ ကျွန်တော့ရဲ့ဒီစာကို ဖတ်ပြီးရင် ကျွန်တော်တွေးနေတာတွေကို နည်းနည်းပါးပါးတော့ နားလည်နိုင်ကြမယ်ထင်ပါတယ်။ဒါပါပဲဗျာ။

သို့ .. ကမ္ဘာမြေကြီးခင်ဗျာ

ကျွန်တော် လဂွန်းအိန် မြန်မာနိုင်ငံက စာရေးလိုက်ပါတယ်။ ဒီရင်ဖွင့်စာကိုရေးနေချိန် အခြားသော ကမ္ဘာ့ နေရာတော်တော်များများ မှာလင်းနေမှာသေချာပေမယ့် ဒီမှာတော့ မီးမလာသောကြောင့် ဈေးကြီးပေးဝယ်ရသော ဖယောင်းတိုင် ဖြင့်ရေးနေရပါတယ်။ ဒီနေရာမှာက ချွတ်ယွင်းချက်တွေ များလှပါတယ်။ ဥပမာအားဖြင့် ..၂၄ နာရီ မီးလင်းပြီလို့ သတင်းစာမှာ ခဏ ခဏ ပါတာကို ခုလို ဖယောင်းတိုင် နဲ့ မကြာမကြာ ဖတ်ရတတ်ပါတယ်။အဂတိ လိုက်စားမှုတိုက်ဖျက်ရေး ဥပဒေဆိုတာ အစိုးရ ၀န်ထမ်းတွေ နဲ့ မပတ်သတ်ဘူးဖြစ်နေပါတယ်။တရားစီရင်ရေးမှာတော့ ‘ဥပဒေ တွင် မည်သို့ပင်ဆိုစေကာမူ’ ဆိုတဲ့ စကားလုံးနဲ့ ပုဒ်မ မဲ့တဲ့ အမှုတွေ ရှိတတ်ပါတယ်။တရားဥပဒေ စိုးမိုးရေးအတွက် မီးသတ်၊ ကြံဖွတ် နဲ့ ရမ်းကားရှင်တွေ ကိုအသုံးပြုပါသေးတယ်။ဒါကြောင့် ကျွန်တော်တို့မှာ မီးသတ်သမားနဲ့တွေ့ရင်တောင် စေ့စေ့ မကြည့်ဝံ့တာကြာခဲ့ပါပြီ။

ကျန်းမာရေးအတွက် ဆရာဝန်တွေ ထောင်ချီတဲ့အရေအတွက်နဲ့မွေးထုတ်ပေးနေပါတယ်။အခြားဘာသာနဲ့ ဘွဲ့ရတွေ ကတော့ လတ်မှတ်ရ အလုပ်လက်မဲ့ဘ၀ နဲ့ ဂုဏ်ရှိရှိ အားယားနေနိုင်ပါတယ်။ကာကွယ်ရေးအတွက် နှစ်စဉ် ဗိုလ်ပေါင်းထောင်ချီ
အပြိုင်မွေးထုတ်ပါတယ်။ တစ်ချို့ကို ရုရှားပြည် သို့ပို့ပါတယ်။နောက်နှောင် စစ်ရေးစစ်ရာပေါ်လျှင် တပ်သားမပါ ဗိုလ်ချဉ်းသာချီတက် တိုက်ခိုက်တော့မယ်ဟုထင်ရပါတယ်။စက်မှုဖွံဖြိုးရေး ကဏ္ထာ အတွက် စက်မှုဇုန်တွေထူထောင်ပေးပြီးဗိုလ်ချုပ်ကြီးများရဲ့နာမည်ကျော်နဲ့
မြေကွက်တွေချထားပေးပါသေးတယ်။

ကလေးငယ်များအတွက်အခြေခံပညာရေးနဲ့ပတ်သတ်လို့ မျောက်သစ်ပင်ရေလောင်းနည်း စီမံကိန်းနဲ့ ဖော်ဆောင်ပါတယ်။
လေး၊ငါးနှစ်တစ်ခါ သင်ရိုးညွှန်းတမ်း ကို(ဖောဖော သီသီ) ပြင်ဆင်ပြဌာန်းပေးပါတယ်။မအောင်မရှိ အတန်းတက်စနစ် မှာ ကျောင်းချိန်နဲ့
မလောက်င ဘူးထင်လို့ ကျူရှင်တွေ နဲ့အလွတ်ကျက်ဖို့သင်ပေးပါသေးတယ်။ဆရာသမားဆိုတာ တံစိုးလက်ဆောင် နဲ့ ကျူရှင်လခ ဆိုပြီး နားလည်သိတတ်တဲ့ မျိုးဆက်သစ်ကျောင်းသားတွေ ရဲ့ခေတ် လို့တောင်ကြွေးကြော်နိုင်ပါပြီ။

ဒီလိုအားနည်း ချက်ပေါင်းစုံ ရဲ့အကြောင်းတရားကတော့ စစ်အာဏာရှင်စနစ် သက်ဆိုးရှည်နေတာပါပဲ။ နှစ်စဉ် တိုင်းပြည်ရဲ့ အရင်းအမြစ်တွေ၊ ရရှိတဲ့အခွန်ငွေတွေ ကို ကိုယ်ပိုင်ဥစ္စာ လို့သဘောထား နိုင်တဲ့(ထားရဲတဲ့) သူရဲကောင်းစိတ်ဓါတ်ကိုတော့ မလေးစားပဲမနေနိုင်ပါခင်ဗျာ။ ဒါ့အပြင် ပြည်သူ့ရိက္ခာစားလို့လည်မျိုကမကျသေးခင် ပြည်သူ့ဂုတ်သွေးစုတ်မယ့် သူလိုမျိုးဆက်သစ်တွေ ကိုကြီးပျင်းအောင်ဒီငွေတွေနဲ့မွေးမြူပါတယ်။

ကမ္ဘာကြီးခင်ဗျာ .. ခုလို ရင်ဖွင့်တာကို စိတ်ညစ်ခံပြီး၊သီးခံပြီး ဖတ်ပေးတာကို ကျေးဇူးတင်ပါတယ်ခင်ဗျာ။

လဂွန်းအိန်
ခေတ္တ – လူ့ပြည်၊မြန်မာနိုင်ငံ

စစ်အစိုးရ ရဲ့ ယောင်ပြ ၀န်ကြီးချုပ် သိန်းစိန် က အလှုခံအစည်းအဝေးမှာ ဒေါ်လာ ၁၁ ဘီလျံ လိုအပ်ကြောင်း အရှက်မရှိတောင်းရမ်းခဲ့တယ်လို့သိရပါတယ်။ စိတ်မကောင်းပါဘူး။တစ်ကယ်သာ ပေးခဲ့ကြရင် ဒီငွေတွေဘယ်သူတွေဆီကို၊
ဘယ်အိတ်ထောင်တွေထဲကို ရောက်မယ်ဆိုတာ အားလုံးသိကြပါတယ်ဗျာ။

ဒီရက်ပိုင်းတွေမှာ ဒုက္ခသည်တွေကို အကူအညီ ပေးဖို့ ရန်ကုန်က ထွက်တဲ့ကားတွေကို ဧရာဝတီတိုင်းထဲ အ၀င်မခံပဲ (လူကိုပြောတာပါ)
ပစ္စည်တွေကိုတော့ အကုန် ယူထားတယ်လို့ကြားနေရပါတယ်။ လုပ်ကြပေါ့လေ။ ငရဲမကြောက်ရင်။ဘယ်လို ‘ဥ’ တွေကပေါက်ပြီး၊ဘာချီးတွေစားပြီးကြီးမှန်းမသိ လောက်အောင်ကို အစွမ်းရှိသလောက် မိုက်ရိုင်းနေကြတာ။

ရှင်းရှင်းပြောရရင် သူတို့တွေလည်း ဗုဓ္ဒဘာသာတွေပါ။ သူတစ်ပါးရဲ့ အလှု ကို မကူညီနိုင်ရင်တောင် အနည်းဆုံးသာဓုလေး ဖြစ်ဖြစ် ခေါ်ပြီးကုသိုလ်ယူနိုင်ပါတယ်လေ။ဒါကို ကူညီဖို့နေနေသာသာ ဘေးကနေကန့်လန့် ကန့်လန့်နဲ့ ဖျက်လို ဖျက်ဆီး လုပ်နေတာများလား..ဘယ်လိုမှ မြင်၊ကြား၊သိ လို့မှ မသင့်တော် ။

မနေ့ကလည်း အသိတစ်ယောက်ဆီကို နိုင်ငံခြားက (တရုပ်) ပုဂ္ဂလိဂ အလှုရှင်တွေ လာပြိးဆန်လှုဖို့ ဆန်လာဝယ်ကြပါတယ်။ ဒါကို
ဘေးကပါလာတဲ့( ဘယ်ရုံးကဆိုလား) ၀န်ထမ်းလို့တော့ ပြောတာပါပဲ။ အဲဒီ ပုဂ္ဂိုလ်က ဆန်ကုန်သည်ဆီက ကော်မရှင်ပြန်တောင်းတာတဲ့။
သူပြောတာက တော့ သူက ၀န်ကြီးနဲ့ပိုင်တယ်တဲ့ ။ နယ်ကျော်လို့ရအောင် သူလိုက်ပြောပေးမယ်တဲ့။ ရှင်းရှင်းပြောရရင် အကြံအဖန်ပေါ့ဗျာ။ ဘယ်လောက်များ အရှက်မရှိ၊ရုပ်ဆိုးမှန်း မသိတော့ ဘူးဗျာ။ လဂွန်းအိန်တော့ သူ့အစားရှက်လိုက်တာ။

ဘယ့်နယ်ဗျာ…သူများက နိုင်ငံခြားကနေ တကူးတက လှုချင်လွန်းလို့၊ကိုယ်ချင်းစာလို့ လာကူညီပေးတာ ။ ဒီက မောင်မင်းကြီးသားများက ကော်မရှင်တဲ့။မျက်နှာတောင်ဘယ်နားထားရမှန်းမသိလောက်အောင် ရှက်မိပါရဲ့ဗျာ။ လူရှေ့ပေါ်တင်တောင်းတာပါ။ တိုးတိုးတိတ်တိတ် တောင်းတဲ့ ခေတ် တောင်မဟုတ်တော့ဘူးဗျ။

ဒီလို လူတွေ လက်ထဲ ဒေါ်လာတွေသာ အလုံးလိုက်အရင်လိုက် ထည့်လိုက်ရင်တော့ လဂွန်းအိန်တို့ မြန်မာ ပြည်သူတွေတော့…….။
နှိပ်စက်မယ့် လူမိုက်တွေလက်ထဲကို တုပ်၊ဓါးတွေ ထပ်ဖြည့်ပေလိုက်တာနဲ့ ဘာမှ ခြားမယ်မထင်ပါခင်ဗျာ…။

ပုံပြင်အဟောင်းလေးတစ်ပုဒ်ပါ။ကြားဖူးတဲ့လူတွေရှိသလို မကြားဖူးတဲ့လူတွေအတွက် တင်ဆက်ပေးလိုက်ပါတယ်။

ဟိုးရှေးရှေ… ရှေးရှေ တုန်းကပေါ့ … ဘုရင့်နေပြည်တော်ကြီးနဲ့ မနီးမဝေး ရွာတစ်ရွာမှာ .. ကောင်လေးတစ်ယောက်ရှိသတဲ့။
ကောင်လေးကပျင်းတာကလွဲရင် တစ်ခြားဘာမှ အပြစ်ပြောစရာမရှိဘူးတဲ့။ (လဂွန်းအိန် လိုပဲနေမှာ)
တစ်နေ့ ကောင်လေးက ဗေဒင်ဆရာဆီသွားပြီး၊ဗေဒင်လေးဘာလေးမေးတာပေါ့။ ဘာလား၊ညာလား နဲ့ နေမှာပေါ့။

ဒီတော့ ဗေဒင်ဆရာကပြောတယ်.. “ကောင်လေး .. မင်းမစိုးရိမ်နဲ့ .. မင်းဘ၀ကောင်းစားဦးမယ်။
မင်းမှာထီးဖြူဆောင်းရမယ့်ကံဇာတာ ပါတယ်။”

ကောင်လေးကလဲ ပြန်မေးတာပေါ့ ..” သေချာလားဆြာ ..” ပေါ့ ။
ဆြာကလဲ ..” သေချာပါတယ်”ပေါ့ ။

ဒီတော့ ကောင်လေးလဲ .. နဂိုကမှ ပျင်းတဲ့ အခံလေးကရှိတော့ သူ့ကိုသူ မင်းဖြစ်မယ့်ကောင်ဆိုပြီးဘာမှ မလုပ်ဘဲ၊
တစ်နေ့တစ်နေ့ နဲ့ တစ်ရွေ့ရွေ့ အချိန်တွေ ကုန်လာလိုက်တာ… နောက်ဆုံး အပြင်းအထန်ဖျားနာပြီး ပြုစုမယ့် သူမရှိလို့
လမ်းဘေးမှာ လေလွင့်နေရင်း၊ သူသေမယ့် အချိန်ကို မျှော်နေတုန်းမှာပဲ …

သူတို့ တိုင်းပြည်က ဘုရင်ကြီး တိုင်းခန်းလှည့်တာနဲ့ကြုံပါတယ်တဲ့..။

ဒီတော့ ကြင်နာတတ်တဲ့ဘုရင်ကြီးက သူလမ်းဘေးမှာလဲ နေတာတွေ့ပြီး သနားစိတ်ဝင်လာတယ်တဲ့။
သူ့အမှုးအမတ်တွေ နဲ့ ကြည့်ရှု ခိုင်းတော့ .. မကြာခင်သေမယ့် လူမမာ ဆိုတာကိုလဲသိရော..
ဘုရင်ကြီးက အရမ်းသနားသွားပြီး သူ့ ကိုယ်ရံတော်တွေ၊အမတ်တွေ ကို အမိန့်ပေးတယ်..

“ဟေ့ .. ဒီ မကြာခင် .. ကွယ်လွန်မယ့် သူကို .. နောက်ဆုံး သက်သက်သာသာ နဲ့ဘ၀ကူးရအောင်
ငါကိုယ်တော်ရဲ့ ထီးဖြူနဲ့ မိုးထားပေးလိုက်စမ်း မောင်မင်းများ .. “ဆိုပြီး အမိန့်ပေးတယ်.. တဲ့ .. ။

ဒီလိုနဲ့ မင်းမှုထမ်းတွေ လည်း အမိန့်အတိုင်း ထီးဖြူကို ကောင်လေး(ကောင်ကြီးဖြစ်နေလောက်ပြီ ထင်ပါတယ်)
ပေါ်မှာ မိုးပေး၊ ဘုရင်ကြီးလည်းတိုင်းခန်းဆက်လှည့်သွား.. နောက်ကောင်လေးလည်း အဲဒီနေရာမှာတင် သေသွား..
ဒီလိုနဲ့ ဇာတ်လမ်းလေးလဲ ပြီးရောဆိုပါတော့ ဗျာ။

ဒီပုံပြင်လေးက ဘာပဲဖြစ်ဖြစ် စဉ်းစားစရာလေးတော့ ပေးနိုင်မှာပါ..။

တစ်နေ့က အသိတစ်ယောက် အဖမ်းခံရတယ်ကြားလို့ သတင်းသွားမေးတာ။
ဟိုရောက်တော့ မေးတာပေါ့။ ဘာမှုနဲ့လဲ..ဘယ်တော့လွတ်မှာလဲပေါ့။

သူ့အကျင့် ကိုက နဲနဲ ပြောရဲဆိုရဲ၊စိတ်ကလဲမြန်ဆိုတော့ လဲ ကိုယ်ကတော့ ပိုစိုးရိမ်တာပေါ့ဗျာ။
သူ့အမျိုးသမီးကပြောပြပါတယ်…

ရှင်တို့သူငယ်ချင်းကိုက ပါးစပ်သရမ်းတာ။ သူငြိမ်ငြိမ်နေရင်ဘာမှ မဖြစ်ဘူး။
ခုဟာက ဘာမှမဟုတ်ပဲပါသွားတာ။ ဖြစ်ပုံကဒီလို .. ဘေးအိမ်က မီးကြိုးပျက်ကျပြီးမီးမလာဘူး။
ကျန်တဲ့အိမ်တွေကလာတယ်။ အဲဒါ ကို သူတို့က မီးသမားခေါ်ပြင်တော့ ကျုပ်တို့အိမ်က
မီးကြိုးပါပြုတ် ပြီးမီးမလာတော့ဘူးဖြစ်သွားတယ်။ ဟိုကမှ တိုင်ပေါ်မှာ လုပ်လို့ပြင်လို့မပြီးသေးတာ။
ပြီးတော့ပြန်လာမှာပေါ့။

အဲဒါကိုရှင်တို့လူက အငြိမ်မနေဘဲ ဓါတ်တိုင်အောက်သွား၊ပြီးတော့ ပွစိ ၊ ပွစိ နဲ့ သွားပြောတာ။
အဲဒါ .. အနားမှာထောက်လှမ်းရေးက ရှိနေတော့ ခဏလိုက်ခဲ့ပါဆိုပြီး ဖမ်းသွားရောလား။

ကျွန်တော်တို့ကလဲ သူဘာများသွားပြောမိလို့လဲ အမရယ်လို့ပေးတော့

ဘာမှ မဟုတ်ဘူး .. သူပြောတာက “ဒီကောင်တက်လုပ်မှဘဲပျက်တော့တယ်” တဲ့..။ 😀

မြန်မာတို့လွတ်လပ်ရေးရခါနီး..ဘုရင်ခံဆာဟူးဘတ်ရန့် နဲ့ ဦးနု တို့ မြန်မာနိုင်ငံလွတ်လပ်ရေးနေ့ အတွက်ဆွေးနွေးကြတယ်။

ရန့်။ ။ မစ်စတာနု ၊ ခင်များတို့ ဗမာတွေ ဘယ်နေ့ လွတ်လပ်ရေး ယူကြမှာလဲ။ကျုပ်က လဲဘိလပ်ကိုပြန်ချင်လှပြီ၊မြန်မြန်သာယူတော့ဗျာ။

နု။ ။ကျွန်တော်တို့ ဇန်န၀ါရီ (၄) ရက်နေ့ ၊နံနက် (၄) နာရီ ၊မိနစ် (၂၀) မှာယူမယ်ဗျာ။

ရန့်။ ။အင်း….နေ့ရက် ကတော့ ပြသနာမရှိပါဘူး ၊ ဒါပေမယ့် မစ်စတာနုရယ်… အချိန်က သိပ်မစောလွန်းနေဘူးလားဗျာ..။

နု။ ။မဟုတ်ဘူးဗျ။ ကျွန်တော်တို့က ဗေဒင်တွေ၊နက္ခတွေတွက်ပြီးပြီ။အဲဒီနေ့၊အဲဒီအချိန်က ကျွန်တော်တို့ အတွက်အကောင်းဆုံးပဲတဲ့။

ရန့်။ ။အင်း…. ပြီးတာဘဲလေဗျာ ။ ကျွန်တော်က ခင်များတို့အတွက်ပြောတာပါ။ ကျွန်တော်ကတော့ပြသနာမရှိပါဘူး။တစ်ရက်တည်းပဲဟာ..။
ဒါပေမယ့် ခင်များတို့ကတော့ နှစ်စဉ်နှစ်တိုင်း အစောကြီးထကြပေဦးပေါ့ဗျာ…။

မှတ်ချက်။ ။မိုးမလင်းသေးသော အချိန်တွင် လွတ်လပ်ရေးသွားယူမိသောကြောင့်လားမသိ၊
လဂွန်းအိန်တို့မြန်မာနိုင်ငံကြီးယခုထိမိုးမလင်းနိုင်သေးဘဲဖြစ်နေပါသည်။

ငါးနှစ်ရှိခဲ့ပြီအမေ သားတို့မျှော်ခဲ့တာပေါ့၊
စောင့်ခဲ့ရတဲ့အချိန်တွေကြာခဲ့ပေမယ့်သားတို့မမောပါဘူး။

အမေ့ကွယ်ရာမှာသားတို့ ညှင်းဆဲခံရတာတွေ၊
ကိုယ်တိုင်အညှင်းဆဲခံနေရတဲ့ အမေမမြင်နိုင်ခဲ့တာမဆန်းပါဘူးဗျာ။

မုန်တိုင်းဒဏ်ခံနေရတဲ့ သားတို့အတွက် အမေလိုတယ်၊
အစိမ်းရောင်တိရိစ္ဆာန်တွေရဲ့ရက်စက်မှုတွေကပါလွပ်မြှောက်ဖို့ရောပေ့ါ။

မျှော်လင့်ချက်တွေ ထပ်တစ်ခါအားသစ်လောင်းမယ့်သူ၊
ကိုးစားတွယ်တာမှုအပေါင်းတို့ ရဲ့မိခင်တစ်ဦး။

အမေနဲ့သားတို့တစ်တွေ တောင်ပံခတ် ပျံသန်းဦးမယ့်ရက်တွေ၊
ဟိုး …. မိုးကုတ်စက်ဝိုင်းဆီက လွပ်လပ်မှုတွေ ဆီဦးတည်လို့ပျံမယ်။

နွေးထွေးခြင်းတွေနဲ့ နေရောင်ခြည်ကို ပွေ့ယူနိုင်တဲ့
အတောင်ပံတွေနဲ့ အားပေးပါဦး .. အမေရယ်

ရှင်သန်ခွင့်ကို ပေးမယ့် မေတ္တာတရားတွေနဲ့
အိပ်မက်တွေကို အသက်သွင်းပါဦးလား အမေရယ်

အမေသာတစ်ကယ်ပြန်လာမယ်ဆိုရင်လေ
သားတို့ဒီတစ်ညလုံး မအိပ်ဘဲမျှော်နေမှာပါ…။

ငါတို့အိမ်မက်တွေ မက်ခဲ့ဘူးတယ်
လှပတဲ့ အိမ်မက်တွေပေါ့။

ထောင်နဲ့ ချီတဲ့ အဲဒီအိမ်မက်တွေကြား
ပြေးရင်းလွှားရင်း စီးမျှောကြတယ်။

အိမ်မက်ဟာ မျှော်လင့်ခြင်းပါ
အိမ်မက်တွေဟာ ယုံကြည်နေခြင်းပါ။

ဒီအိမ်မက်တွေကို ရပ်တန့်လိုက်တဲ့
နာဂစ် ရယ် ….. ခုတော့ မင်းကြောင့်

ကလေးတွေရဲ့ အနာဂတ် မလှပတော့ဘူး
လူတွေရဲ့ မျှော်လင့်ခြင်းတွေ ဆုံးပါးခဲ့ရပြီ။

မင်းဟာ နာမည် လှသလောက်
မင်းသယ်ဆောင်လာခဲ့တာ ရက်စက်ခြင်းပဲ။

မိသားစုတွေ ကွဲကွာခဲ့ရလေခြင်း
ချစ်ခင်သူတွေ ကွေကွင်းရတဲ့နာကျင်ခြင်း။

ဒါပေမယ့် မင်းသိထားဖို့က နာဂစ် ရယ်
မင်းရက်စက် ရပ်တန့်လိုက်ပေမယ့်

ဒို့အိမ်မက်တွေ ဆက်ရှင်သန်ဦးမယ်
ဒို့ အိမ်မက်တွေကို ဆက်မွေးဖွားစေဦးမယ်။

ကမ္ဘာဦးကတည်းက လူသားမျိုးနွယ်ဆိုတာ
ကြိုးစားမှုရဲ့ ရလဒ်နဲ့ ရှင်သန်ခဲ့တာပါ။

မျှော်လင့်ချက်နဲ့ အသက်ဆက်ခဲ့တာမျိုးပါ
ယုံကြည်မှုတွေ နဲ့ရှေ့ဆက်ကြတာရယ်ပါ။

ဒို့လဲရင် ဒို့အချင်းချင်းကူကြမယ်
ဒို့နာရင် ဒို့အချင်းချင်း ကုကြမယ်။

အပြန်အလှန်အားဖြင့် အိမ်မက်တွေ မျှဝေမယ်။
စာနာခြင်းတွေ နဲ့ဒို့အသဲနှလုံးတွေကို

အသစ်တစ်ဖန်ပြန်လို့လတ်ဆတ်စေကြမယ်လေ
ဒီနှလုံးသားတွေနဲ့ပဲ အိမ်မက်တွေဆက်မက်မှာပေါ့။

နာဂစ်မုန်တိုင်းပြီးတာ ၂ ပတ်ကျော်ခဲ့ပါပြီ။မုန်တိုင်းဒဏ်ခံမြန်မာပြည်သူတွေ တစ်ကယ်ကိုကယ်တင်ခြင်းခံနေရပါသလား။
ဒီကိစ္စနဲ့ပတ်သတ်လို့ မေးမြန်းနိုင်သမျှကို မေးမြန်းခဲ့ပါတယ်။ အကုန်လုံးဟာ အဖြစ်မှန်တွေပါ။ ပထမတစ်ဦးကတော့ တစ်ကယ်ကို ကိုယ်တိုင်ကိုကျ အလှု သွားခဲ့သူ၊ အကူအညီ သွားပေးခဲ့သူတစ်ဦးပါ။
‘ ကျွန်တော်တို့ရောက်သွားတော့ ကားလမ်းဘေးမှာ လူတွေ ရာနဲ့ချီပြီး ထိုင်နေကြပါတယ်။ နောက်မကြာခင်မှာဘဲ လမ်းရဲ့ တစ်ဖက် ကချောင်းလေး ဆီက ဝေါဝေါ၊ဝေါဝေါ နဲ့ အသံတွေ ကြားရလို့သေချာကြည့်မှ လူတွေ ချောင်းလေးကို အလုအယက် ကူးလာနေကြတာပါ။
နောက်ဆုံးတော့ လူ ၂ သောင်းကျော် လောက်ဖြစ်သွားပါတယ်။ ဘယ်လောက်များအခြေအနေဆိုးလဲတော့မ သိဘူးဗျာ။ ကျွန်တော်တို့ ရေတိုက်တာတောင် ခွက်မရှိတဲ့လူတွေ ကများနေလို့ နောက်ဆုံး ရေပုံးပါပေးခဲ့ရတယ်။နောက် ကလေးတစ်ယောက်၊၁၂ နှစ်တဲ့၊ ကျန်တဲ့မိသားစုတွေက ရေထဲပါသွားတယ်။သူကတော့ သစ်ပင်ကြီးတစ်ပင်ပေါ်တင်နေလို့ရှင်ကျန်နေခဲ့တာတဲ့။ဘာမှတော့ မဖြစ်ဘူး။ကံကြီးတယ်ပြောရမှာပေါ့။ဒါပေမယ့် စိတ်ခြောက်ခြားနေရှာတယ်။ခုဘုန်းကြီးကျောင်းမှာနေတာ။သနားပါတယ်ဗျာ။’
သူသွားခဲ့တာက မြောင်းမြမြို့ဘက်ပဲဖြစ်ပါတယ်။

နောက်တစ်ဦးကတော့ ရေဘေးဒဏ် ကိုယ်တိုင်ခံခဲ့ရတဲ့ ဧရာဝတီတိုင်း ကဆန်စကပိုင်ရှင်တစ်ဦးပါ။
‘ကျွန်တော်တို့ သက်ကယ်သောင်ရွာမှာရေတက်တော့ ညနေ ၃ နာရီလောက်ပဲရှိပါသေးတယ်။ ရေကခြေမျက်စိလောက်ရောက်လာလို့ ကျွန်တော့ တစ်ထပ်အိမ်နဲ့တော့ မရလောက်ဘူး။ ခုနှစ်အိမ်ကျော်က ယောက်ခမ အိမ်က ၂ ထပ်ဆိုတော့ သူတို့ဆီတော့ လွတ်နိုင်တယ်… ဆိုပြီး ကျွန်တော်တို့လင်မယားနှစ်ယောက် ကလေးနှစ်ယောက်ကို ချီပြီး သွားပို့ကြတာ။ ဟိုလဲရောက်ရော ရေက ဒူးလောက်ဖြစ်သွားပြီဗျ။ သိပ်မြန်တာ။ ကလေးတွေ အိမ်အပေါ်ထပ်ကို ပို့ပြီးလို့ ပြန်ဆင်းမယ်လဲကြံရော ၊ရေက ရင်ဘတ်ရောက်သွားပြီ။ဆန်စက်ရော ၊စပါးစည်ရော၊ ကျွန်တော်တို့လင်မယားနှစ်ယောက် အနှစ်နှစ် အလလ စုထားတာလေး တွေ ပါ အကုန်ရေထဲကိုပါသွားပါတယ်ဗျာ။
ကျွန်တော်တို့တစ်ရွာလုံးလဲကုန်သလောက်ပါပဲ။လူတွေလဲသေတာမှ အလောင်းတွေကို ထပ်နေတာပဲဗျာ။ထောက်ပံ့ရေးကလား။လာပါတယ်။ လူ ၂ ထောင်ကျော်ကျန်တဲ့ ကျွန်တော်တို့ရွာအတွက် ဆန် ၂ အိတ်နဲ့ ခြင်ထောင် ၈ လုံး ဆို ပြီးပေးသွားတယ်။ ဘယ်လောက်မလဲဗျာ။’

ဒါဆို ရှင်းနေပါပြီ။

မပြီးသေးဘူးဆိုပြီး ၀ိုင်းချီးကျူးကြဦးမယ်ထင်တယ်။ မနေ့ က မရေးဖြစ်တာလေးတွေ၊ရေးပြီးမှစဉ်းစားမိတာလေးတွေရှိလာလို့ပါ။
ဆက်ရအောင်ဗျာ။ ဒီဗေဒင်ဆိုတာကို ယုတ္တိဗေဒ (Logistic) နည်းနဲ့ ကြည့်ရအောင်ဗျာ။ ဗေဒင်သွားမေးတာ လို့ပြောကြတယ်နော်။
တစ်ကယ်လား။ ဗေဒင်သွားမေးတာဆိုရင်ဗေဒင်ဆရာကိုသွားမေးတယ်လို့ယူဆရင်ရမယ်နော်၊ဟုတ်ပြီလား၊ဗေဒင်ဆရာကို မမေးရဘဲ
သူကချဉ်းမေးရင်တော့ ဒါဗေဒင်ဆရာမေးတာသွားဖြေတာပေါ့။ ကဲ.. စမယ်ဗျာ။ ဗေဒင်ဆရာဆီရောက်ရောက်ချင်း ဘယ်သူကဘယ်သူ့ကိုစပြီးမေးတာတဲ့လဲ။ သေချာစဉ်းစားပါ။ ဟုတ်ပါတယ်။ ဗေဒင်ဆရာကစပြီးမေးခွန်းတွေ မေးပါတယ်။
ကိုယ့်ရဲ့ နာမည်၊မွေးသက္ကရာဇ်၊နေရပ် နဲ့ လက်ရှိကြုံနေရတဲ့ အခက်အခဲ အစရှိတာတွေ ကိုကိုယ်က ပြောပြရပါတယ်။
သူမေးလို့ပါ။ ဒီလိုမေးတော့ ကိုယ်က အပူသည် ဆိုတော့ ကိုယ့်အကြောင်း အကုန်နီးပါး သူ့ကို ပြောပြီးဖြစ်သွားရောပေါ့။ ဟုတ်တယ်နော်။ လင်ပူ၊သားပူ နဲ့ ရီးစား ပူမိနေတဲ့သူတွေဆိုပိုဆိုးဦးမယ်။ လာကတည်းက ကူပါယူပါဆိုတော့ သူတို့ ဗေဒင်ဆရာတွေက
အကြိုက်ပေါ့ဗျာ။နောက် တော့ ကိုယ်က ကိုယ့်အကြောင်းတွေပြောလို့ဝတော့မှ သူက ဘာရယ်ညာရယ် ဆိုပြီး ကိုယ်ပြောတာတွေကို နင်းပြီးဟောတာပါ။ ဟုတ်တယ်နော်။ ဘယ်ဗေဒင်ဆရာကမှ ကိုယ့်ဆီဗေဒင်လာမေးတယ်ဆိုတဲ့ သူကို ရောက်ရောက်ချင်း ခင်ဗျားကတော့ ဘယ်သူဘယ်ဝှာ၊ဘယ်အရပ်မှာနေတာမလား၊ခုဘာညာဖြစ်နေလို့ လာတာမလား ဆိုပြီး မပြောနိုင်ကြပါဘူး။ စောစောက ပြောသလို
ကိုယ်က(ဗေဒင်မေးတယ်ဆိုတဲ့သူက) ပြောတဲ့အချက်တွေကိုနင်းပြီး သူတို့ကတန်ပြန် အကွက်ဆင်လို့ ဟောရတာမဟုတ်လား။ ဒီတော့
ကျွန်တော်ပြောသလို ဗေဒင်သွားမေးတာ မဟုတ်ဘဲ အမေးခံဖို့သွားနေတာပါ။ဒီလိုရှင်းရင် သဘောကျမလားမသိဘူး။လဂွန်းအိန်ကတော့ ဒီလိုပဲ မြင်တာပဲဗျာ။ဂွစာကြီးလို့ ထင်ချင်လဲထင်ကြပါ။

နောက်ပြီး သဘောမကျတာတစ်ခုက ဘုရားထီးတင်တဲ့ကိစ္စလို အရေးကြိးတဲ့သာသနာရေး ကိစ္စတွေမှာ ဒီဗေဒင်ဆရာတွေ ၊ အခါပေးဆရာတွေ ၀င်ပါပြီး တွက်ချက် အခါပေးတာပါပဲ။ ဘုရားတည်တာ နဲ့ ဘုရားထီးတင်တယ်ဆိုတဲ့ ကိစ္စမျိုးဟာ ကြီးကျယ်တဲ့ကိစ္စပါ။
နဲနဲ နောနော ကုသိုလ်ကောင်းမှုမဟုတ်ပါဘူး။အားလုံးသိပါတယ်။ ဒီလိုကောင်းမှုကြီး၊ ဘုရားပုထိုးတည်တဲ့ကိစ္စမှာ သူတို့ဝင်ပြီး ကောင်းလားကောင်းရဲ့နဲ့ ဆုံးဖြတ်ရအောင် ဒီစေတီပုထိုး ဆိုတာ သူတို့မူပိုင်ပါလား၊သူတို့လက်အောက်ခံလား။ နဲနဲတော့ပြင်းသွားတယ်ထင်ပါတယ်။ ဗေဒင်ဆရာတွေကြားရင်တော့ ရိုက်ပေါက်ပဲ။ဟဲ..ဟဲ။ဗေဒင်အမေးကောင်းပြီး မင်းတုန်းမင်ကိုတော်လှန်ကြတဲ့ မြင်ကွန်း၊မြင်းခုံတိုင် မင်းသား ၂ ပါးလဲ ခွေးပြေးဝက်ပြေး ပြေးရ၊ အခါပေးတဲ့ ဦးပုည လဲသေဒဏ် အပေးခံရနဲ့ ။ အပျက်ပျက် နဲ့ နှာခေါင်းသွေးထွက် ခဲ့တာလေးလဲ ရှိဖူးတယ်ခင်ဗျ ။

ဟုတ်ပါပြီ။ဒါဆို ဗုဓ္ဓအလောင်းအလျာ နိမိတ်ကြီး ၄ ပါးမြင်လို့တောထွက်ဖို့ စဉ်းစားတော့ ဗေဒင်ဆရာဆီသွားပြီး အခါတောင်းပါသလား။
ဗိုလ်ချုပ် တိုင်းပြည်လွတ်လပ်ရေးအတွက် ရန်ကုန်ကနေ တရုပ် ပြည် အမ္မိုင် ကိုရေကြောင်းနဲ့ ခိုးထွက်တုန်းကရော။
ဗေဒင်မေးပြီးမှသွားတာလား။ အမေရိကန်ပြည်ထောင်စု ကလွတ်လပ်ရေးကြေညာတော့ရော။ ဗေဒင်ဆရာတွေပါ
ပါသလား။ရိုက်ညီနောင် လေယာဉ် ကိုတီထွင်ပြီး ပထမဆုံးစမ်းသပ်တော့ရော။ မအောင်မြင်တော့ လဲနောက်တစ်ခေါက်ပေါ့။ဟုတ်ဖူးလား။
ဗေဒင်ဆရာ မလိုခဲ့ကြပါဘူး။ ဇွဲဝီရိယ သာအဓိကပါ။ယုံကြည်ချက်သာအဓိကပါ။ ဘုရားဟော လဲရှိပါတယ်ဗျာ။ အတ္တဟိ အတ္တနော နာထော .. ကိုယ့်ကိုယ်ကို သာကိုးကွယ်ရာ၏ တဲ့။