ပိုင်ဆိုင်ခွင့်အတွက် လမ်းတွေလျှောက်ခဲ့ဖူးပါတယ်။
နှလုံးသွေးတွေ၊ချစ်ခြင်းတရားတွေ ရင်းလို့ပေါ့။

ငိုခြင်း ရီခြင်းကင်းတဲ့ အရပ်မှာ ခဏလောက်ရှင်သန်ဖူးပါရစေ။
ငါ့ခံစားချက်တွေ ပြုန်းတီးကုန်မှာစိုးလို့ပါကွာ။

သေခြင်းတရားရဲ့တစ်ဖက်မှာ ဘာတွေရှိလဲ။
အိပ်မက်ရင်း၊အိပ်မက်ထဲမှာ ရှာဖွေပါရစေဦးလေ။

လှော်ရင်း ကျိုးခဲ့တဲ့ တက်ပဲ့ နဲ့ လောကကြီးကို ရွဲ့ ပစ်ဦးမယ်။
ငါ့တစ်သက်မှာ တစ်ခါတည်းသော အချစ်စစ်ပဲရှိတယ်ဟေ့။

အမှိုက် တစ်စအတွက် ပြသာဒ် မီးလောင်မလောင်တော့မသိဘူး။
လူပြိန်းတစ်ယောက်ရဲ့ အတ္တကြောင့် လူတွေ မငြိမ်းနိုင်ဘူးလေ။

လူဆိုတာ ပုံစံခွက်ထဲက မွေးတာ မဟုတ်ဘူးတဲ့..ပြောတဲ့လူရှိတယ်။
ဒါပေမယ့် ပုံစံခွက်နဲ့ လူတွေတော့ရှိပါတယ်ဆိုတာတော့ သက်သေပြနိုင်ပါတယ်။

စပယ်ယာဆိုတဲ့ လူတွေနဲ့တော့ ရန်မဖြစ်ဖူးလေတော့။
အိမ်ပြန်နောက်ကျတဲ့ ကားခတွေလဲ ဈေးတက်နေတာမဆန်းတော့သလိုပဲ။

လေလွင့် တိုက်စားနေတဲ့ စိတ်ဓာတ်တွေအတွက်
လဖ္ကက်ရည်တစ်ခွက်နဲ့ တော့ အစားဖြည့်နိုင်ပ့ါမလား။

လူတွေကြည့်တဲ့ ကိုရီးယား ကားတွေ ငါမကြည့်ဘူး။
အတွဲတွေသွားတတ်တဲ့ ကန်တော်ကြီးကို ပုံမှန်ငါမရောက်ဖြစ်ဘူး။

စာတွေများများ ဖတ်မိလို့ ခုဆိုမနက်တိုင်းအန်နေတတ်ပြီ။
ဒါပေမယ့် အန်လိုက်တိုင်း သတင်းစာ အပိုင်းအစတွေ ။

အုန်းသီးတွေထဲ ဘယ်သူရေထည့်သွားလဲ၊ငါတရားခံထွက်ရှာလိုက်ဦးမယ်။
တောက် …. တော်တော် လက်ကမြင်းတဲ့ကောင်၊တွေ့ရင်တော့လားကွာ။

ကိုယ့်လူတို့ရေ၊ခင်ဗျားပြဿနာကို မီးထွန်းမရှာပေမယ့်
ပြဿနာက ကိုယ့်ကို လာပတ်တာမျိုးကြုံဖူးကြလားဗျာ။

ချိုးငှက်တစ်ကောင်သူ့ဖာသာသူနေတာအကြောင်းမရှိပေမယ့်။
အနားမှာ လူဆိုတဲ့ အတ္တခဲများရောက်သွားရင်တော့ ဒီချိုးဟင်းတစ်ခွက်ဖြစ်မယ်နော်။

ရေကူးရင်း ရေငတ်နေလား၊ ဖောင်စီးရင်း ရေနှစ်နေလား။
ဒါတွေက ဖြစ်နေကျသင်ခန်းစာတွေရယ်ပါဗျာ။

နောက်ဆုံးတော့လဲငါသိလိုက်တယ် …. တစ်ကယ်တော့လေ … ဘ၀ ဆိုတာ
“နေတတ်မှ ကျေနပ်ဖို့ကောင်းတာပါတဲ့ …… “