အားလုံးသိပြီးဖြစ်တဲ့ နာဂစ် ပါ။ မြန်မာနိုင်ငံအောက်ပိုင်းကိုဝင်ပြီးဘုရားစုံပတ်ဖူးလို့ ဧရာဝတီတိုင်းနဲ့ ရန်ကုန်တိုင်းတွေမှာ အပျက်အစီးနဲ့လူအသေအပျောက်( ခုချိန်မှရှာမတွေ့ရင်သေပြီပေါ့ဗျာ)အများဆုံးဖြစ်ခဲ့ရပါတယ်။ သူက စစ်အစိုးရ ကိုဘာတွေပေးခဲ့ပါသလဲ။ဘယ်လိုဆုံးဖြတ်ပေးခဲ့ပါသလဲ။ ပြည်သူတွေကတော့ အိုးအိမ်တွေဆုံးရှုံးလိုက်ကြရပြီးကိုယ့်အားကိုယ်ကိုးလို့နလန်ပြန်ထူဖို့ကြိုးစားနေကြရပါတယ်။ဒါအမှန်တရားပါ။

မုန်တိုင်းပြီးလို့ မိုးလေ ဆဲချိန်မှာ ပြည်သူတွေကပဲ ရှိသမျှ အားနဲ့ ရှင်းလင်းရေး လုပ်ခဲ့ကြပါတယ်။ လမ်းပေါ်မှာပိတ်နေတဲ့ သစ်ပင်နဲ့ဓါတ်တိုင်တွေ၊ တွဲလဲကျနေတဲ့ ဓါတ်ကြိုးတွေ၊ပြိုလဲနေတဲ့ ကြော်ညာဆိုင်းဘုတ်တွေ … ဒါတွေကို ပြည်သူ့အင်အားနဲ့ ရှင်းလင်းခဲ့ပါတယ်။ အင်အား ၄/၅သိန်းရှိတဲ့ မြန်မာ့တပ်မတော် ဘယ်မှာပါလဲ ???? ပစ်ဖို့ခတ်ဖို့ရှိရင် အချိန်မဆိုင်းကြွရောက်လာတတ်ပေမယ့် ကယ်ဖို့ဆယ်ဖို့ဆိုရင်တော့ ရှိန်းဆာယာဖိုမှောက် လို့ကိုယ်ပျောက်နေကြပါတယ်။ ဧရာဝတီတိုင်းရဲ့ရေပြင်တွေပေါ်မှာအသက် မသေပဲမျောပါနေသူတွေ ဘယ်လောက်များရှိခဲ့နိုင်ပါသလဲ???? နိုင်ငံခြားဇာတ်ကားတွေထဲကလို ရဟတ်ယာဉ်ကြီးတွေ တစ်ဝီ၀ီနဲ့ ပျံဝဲလာကြပြီး ကယ်မှာဆယ်မှာ နဲ့မျှော်ရင်း မျှော်ရင်းများသေသွားခဲ့ကြမလား?????။လဂွန်းအိန်မတွေးရဲတော့ပါ။

အိမ်မရှိတော့၊မိသားစုမရှိတော့၊ဆွေမျိုးတွေမရှိကြတော့ နဲ့လူတွေအားငယ်နေခဲ့တယ်..။ဘယ်သူတွေ ကယ်ဆယ်ကူညီအားပေးခဲ့ကြပါသလဲ????နီးရာ ဘုန်ကြီးကျောင်းတွေနဲ့ ကျန်ရှိနေတဲ့ အဆောက်အဦးတွေ မှာ ဗလာနတ္တိ အနေအထားနဲ့စားစရာ အစာ၊သောက်စရာရေ၊၀တ်စရာ အ၀တ်တွေ ကို မျှော်နေခဲ့ရရှာပါတယ်(ခုထိလဲမျှော်လို့မဆုံးသေးပါ)။

နောက်နေ့တွေက စလို့ နိုင်ငံတကာက အကူအညီ နဲ့ ကယ်ဆယ်ရေးပစ္စည်းတွေ တစ် စစ နဲ့ ရောက်လာတာ တစ် ဖွဲဖွဲ ဖြစ်လာတဲ့ အထိပါပဲ။ ဒါကို ဂိုဒေါင်ထဲ အသာထည့် လို့နိုင်ငံတော် ၀န်ကြီးချုပ် ဦးဆောင်မှုနဲ့ ဘယ်လိုဖြတ်ဝေ(ဖြန့်ဝေခြင်းမဟုတ်ပါ)မယ်ဆိုတာကို အစည်းအဝေး အရင်လုပ်ကြပါသေးတယ်။ ဒီအချိန်မှာ သေစရာရှိတဲ့ လူတွေ အရင်သေ နှင့်သွားကြပါပြီ။ဝမ်းနည်းပါတယ်။နောက် အဝေတည့်တော့မှ ဒီပစ္စည်းတွေကို ဂိုဒေါင်တွေထဲ ကထုတ်သင့်သလောက်ခြိုးခြံစွာထုတ် ပြီးလေဘေးဒုက္ခသည်တွေကို စတိ သဘောနဲ့ ခမဲပေးသလို ပေးခဲ့ပါတယ်။ရေထဲက အလောင်းတွေကိုဆယ်ဖို့ ကရော?????။ ကိုယ့်ဆွေကိုယ့်မျိုးတွေ မပါလို့ တပ်မတော်က တာဝန်မယူခဲ့ပါဘူး။” အလောင်းတွေ ရေ ထဲမှာ အများကြီးပဲ။ ဘယ်လို လုပ်ကြမလဲ “လို့ မေးတဲ့လူကိုတောင် ..”စိတ်မပူပါနဲ့ ဦးတေဇရယ်၊ အလောင်းတွေကလား…. နောက်၂ရက်၃ရက်ဆိုရင် အသားက ငါးပူတင်းတွေ စားလို့ကုန်မယ်လေဗျာ။ အဲဒီကြရင်အရိုးတွေက သူ့ဖာသာ သူ ရေအောက် ကိုရောက်သွားမှာပါ” လို့ပြော ခဲ့တဲ့ ယူနီဖေါင်ဝတ် ၀န်ကြီးလည်း မြန်မာနိုင်ငံမှာရှိပါတယ်ဗျား။

အဲ .. ကယ်ဆည်ရေး ပစ္စည်းတွေ အကြောင်း ပြန်ကောက်ရအောင်။ဒီကယ်ဆယ်ရေးပစ္စည်းတွေ ပုံအော ပြီး ၀င်လာတေ့မှာ ပဲ စစ်အစိုးရက သူအနှစ်နှစ် အလလ က ကြွေးကြော် ခဲ့ တဲ့ ဈေးကွက်စီးပွားရေးစနစ် ပီပြင်စွာဖြစ်ပေါ်လာရေး ဆိုတာ ကို အင်တိုက်အားတိုက် အကောင်အထည်စဖေါ်ပါတော့တယ်။ ရန်ကုန်မြို့ရဲ့အထင်ကရ ဈေးကြီးများမှာ ဒီဇိုင်းသစ်ဆန်းတဲ့ ပစ္စည်း၊စားသောက်ကုန်၊အ၀တ်အထည် တွေ အများကြီးမှ အများကြီးကို ရုတ်ချဉ်းပဲ တစ်ခန့်တညားကို ၀င်ရောက်နေရာယူပါတော့တယ်။

နောက် မုန်တိုင်းဒဏ်ခံစားနေကြရရှာလို့စိတ်မကောင်းခြင်းကြီးစွာဖြစ်နေတဲ့ မြန်မာပြည်သူတွေအတွက် စစ်အစိုးရဟာ အစီစဉ်တကျ စီစဉ်ပြီး ဖြစ်တဲ့ ပွဲတော်ကြီး ကို စည်ကားသိုက်မြိုက်စွာ နဲ့ကျင်းပပါသေးတယ်။ဒါကတော့ ဖိစီးနှိပ်စက်ပုံ အကြံအဖန် ဥပဒေ အတည်ပြုရေးအတွက် ပြည်လုံကျွတ်ဆန္ဒခံယူပွဲ ကြီးပါ။ မူလအကြံအဖန် အတိုင်း အောင်မြင်စွာ ပဲအပြီးသတ်နိုင်ခဲ့ပါတယ်။ထောက်ခံမဲ ၉၂ % ကျော်နဲ့ အောင်မြင်စွာ ပြီးဆုံးသွားပါတယ်။ ဒါတောင် လေဘေးသင့်တဲ့ ရန်ကုန်တိုင်းကမြို့နယ်အတော်များများ နဲ့ ဧရာဝတီတိုင်းက အချို့မြို့နယ်တွေ မပါသေးပါ။ ပါများပါရင် ၁၀၀% နဲ့အထက်ဆိုပြီးတော့များ အောင်ပွဲခံကြော်ညာ ကြဦးမယ်ထင်ပါရဲ့။

တကယ်တော့ မြန်မာပြည်သူတွေ ကို စစ်အစိုးရက မကြာမကြာပြောတတ်တဲ့ တပ်မတော်ရဲ့ စေတနာမှန်ဆိုတာ ဒါပဲလား ????။

ပြောတုန်းက တပ်မတော် သာ အမိ၊တပ်မတော်သာ အဖ ဆို၊ ခုတော့ ကမ္ဘာမီးလောင်လို့(နာဂစ်ဝင်တာ ကျပ်ပြေးနဲ့အဝေးကြီးပါ) သားကောင်ချနင်းပြီလား ????။

တိုင်းပြည်ကြီး မည်သည့်ခေတ်နဲ့မှ မတူအောင် တိုးတတ်နေပါပြီတဲ့၊လူ့အသက်ပေါင်းသိန်းချီချနင်းခံရပြီး ယုံရတော့မယ်တဲ့လား ?????။

တပ်မတော်အတွက် ပြည်သူတွေဟာ ရန်သူတွေလား???? ။ဘာကြောင့်ဒီလောက်တောင် သွေးအေးနေကြပါလဲ???? ။စဉ်းစာရင်းရေးရေးလေးတော့ ပေါ်မှာပါ။

မြန်မာတွေအနေနဲ့ တော့ အမှန်အတိုင်းမြင်ပြီး အမှန်အတိုင်းဆုံးဖြတ်ကြဖို့လိုနေပါပြီ….။