ပထမဦးစွာဝန်ခံရမှာကတော့ ကျွန်တော် လဂွန်းအိန် ဟာ လေ့လာသူတစ်ယောက်သာဖြစ်တယ်ဆိုတာပါ ။ ပြီးတော့ ဒီစာပါအကြောင်းအရာများဟာလဲလေ့လာမိသလောက်သာရေးခြင်းဖြစ်ပြီး ပုဂ္ဂိုလ်ရေးကင်းရှင်းတယ်ဆိုတာရယ် မြန်မာတွေကောင်းကျိုး အတွက်ဖြစ်တယ်ဆိုတာရော တစ်ပါတည်းဝန်ခံပြောကြားလိုပါတယ် ။

ပမာဏဦးစွာ အကြောင်းအရာနှစ်ခုနဲ့မိတ်ဆက်ပေးပါရစေ…

ပထမအချက်ကတော့ လူတစ်ယောက်ပါ။သူ့နာမည်က မာခီယာဗဲလီ လို့ခေါ်ပါတယ်။အီတာလျံတစ်ယောက်ပါ။၁၅-၁၆ ရာစုများက ယခုအီတလီနိုင်ငံ ၄ စိတ်(မီလန်၊ရောမ၊နေပယ် နဲ့ ဖလောရင့်)ကွဲပြီး တစ်နယ်ကို တစ်မင်း၊စနစ်တစ်မျိုးစီနဲ့ အုပ်ချုပ်ကြစဉ်ကာလက သူဟာ ဖလောရင့် သမ္မတ နိုင်ငံအစိုးရအတွက် အမှုထမ်းခဲ့ပါတယ်။ ဘ၀ရဲ့ နောက်ပိုင်းမှာ ၀တ္ထု တစ်ပိုဒ်ရေး ပြီးသူ့ကိုသူကျော်ကြားစေခဲ့ပါတယ်။ အဲဒီစာအုပ်ကတော့ မင်းသား(The Prince)ပါပဲ။ နောက်ပိုင်းမှာ တော့ဒီစာအုပ်ဟာ ၀တ္ထု အဆင့်မှာမရှိတော့ဘဲ အာဏာရှင်များအတွက်လက်စွဲ လမ်းညွှန်စာအုပ်ဖြစ်လာပါတော့တယ်..။အဲဒီစာအုပ်ရဲ့ အနှစ်ချုပ် ကတော့ အာဏာရယူရေး၊အာဏာကိုလက်ဝယ်ထိန်းသိမ်းရေး အတွက် ကိုယ်ကျင့်သီလ၊သိက္ခာတရား၊အရှက်အကြောက် တွေကင်းမဲ့ ပြီး မည်သည့်အကျင့်ကိုပဲကျင့်ကျင့် တရားပါတယ်။တစ်နည်းဆိုရရင်တော့ အာဏာသာ အဓိက ဖြစ်ပြီး ကျန်တာတွေကအရေးမကြီးဘူး ဆိုတဲ့ အာဏာရှုးဝါဒပဲဖြစ်ပါတော့တယ်။

နောက်ဒုတိယအချက်ကတော့ မည်သည့်နိုင်ငံတိုင်းသည် ကိုယ်ပိုင်အမျိုးသားအကျိုးစီးပွားမပါဘဲ အခြားလူမျိုး၊တိုင်းနိုင်ငံတစ်ခုကို ကူညီဖို့ရန်အကြောင်းလုံးဝမရှိပါ။မြန်မာ စကားပုံတွေ လဲရှိပါတယ်။ ကိုယ့်ထမင်ကိုယ်စားပြီး ကြီးဒေါ်နွားတော့ မကျောင်းဘူး… ဆိုတာလေဗျာ။

အခုဒီနေရာက စ လို့မူလခေါင်းစဉ်နဲ့သတ်ဆိုင်တဲ့ အကြောင်းများကို တစ်ချက်ချင်း တူရာတူရာတွေ အလိုက်ခေါင်းစဉ်ခွဲပြီးတင်ပြပါမယ်။ အဲဒါတွေကတော့

၁။ ကုလသမဂ္ဂ

၂။ အမေရိကန်၊အင်္ဂလန်၊ပြင်သစ် နှင့် အီးယူ

၃။ ရုရှား၊တရုပ်၊အိန္ဒိယ နှင့် အာဆီယံ

၎။ စစ်အစိုးရ နှင့်အတိုက်အခံများ

၅။ မြန်မာပြည်သူများ ပဲဖြစ်ပါတယ်။

………………………………………………………………………………………………………………………………………………..

၁။ ကုလသမဂ္ဂ

နိုင်ငံတကာအဖွဲ့အစည်းကြီး၊ကမ္ဘာလုံးဆိုင်ရာအဖွဲ့ကြီးလို့လူသားတိုင်းကသိကြပါတယ်။စွမ်းတာတွေရှိပေမယ့် မစွမ်းတာတွေကပိုများလှပါတယ်။အထူးသဖြင့်တော့ မြန်မာနိုင်ငံ လိုနိုင်ငံမျိုးနဲ့ပတ်သတ်လို့ပေါ့။ သူ့မှာက နှစ်ခြမ်းကွဲနေတဲ့ အဆုံးအဖြတ်ပေးနိုင်ငံများ(ဗီတို နိုင်ငံများ) ဆိုပြီးရှိလေတော့ လုပ်ငန်းစဉ်တွေက မတွင်လှ ဘူးလို့ လူပြောများပါတယ်။ ပြီးတော့ နိုင်ငံတကာ ဥပဒေ ဆိုတဲ့ ကန်သင်းရိုး ထဲက လုပ်ရှားရတာမို့ အကန့်အသပ်တွေကလည်း များလွန်းပါတယ်။အထွေထွေညီလာခံကိုတောင် ဆုံးဖြတ်ချက်တွေရဲ့ သင်္ချိုင်းကြီး ရယ်လို့တင်စားကြသေးတယ်လေ။ သူ့ကိုအာခံနိုင်တဲ့ နိုင်ငံအချို့ထဲ မှာ မြန်မာဆိုတဲ့ နာမည်ကလဲစာရင်းပေါက်ထားတာမို့ သူဟာ မြန်မာ့ဒီမိုကရေစီရေး မှာ စက္ကူကျားသာဖြစ်ပါတယ်။ပြီးခဲ့တဲ့ စက်တင်ဘာအရေးအခင်း၊ယခုနာဂစ်မုန်တိုင်းပြီးကူညီကယ်ဆယ်ရေး ကိစ္စတွေမှာ သူ့ရဲ့ ပါဝါ အပျော့ (solf power) ဟာစစ်အစိုးရအပေါ်မှာ ဘယ်လိုမှ ဖိအားပေးနိုင်ခြင်းမရှိဘူးဆိုတာ အားလုံးအသိပဲဖြစ်ပါမယ်။ပါဝါ အမာ(hard power) ဆိုတဲ့စစ်ရေးအရ အရေးယူဖို့ဆိုတာကလဲ အပေါ်မှာပြောခဲ့သလို ဗီတို နိုင်ငံတွေက နှစ်ဖက်ကွဲနေတဲ့အတွက် ဖြစ်နိုင်တဲ့အခြေအနေမှာမရှိပါဘူးဆိုတဲ့ အဖြေကလွဲလို့ အခြားမရှိပါဘူး။သူ့အကူအညီကိုမျှော်ရင်း နှစ်တွေကြာလာခဲ့ပြီဆိုတော့………။

……………………………………………………………………………………………………………………………………………………

၂။ အမေရိကန်၊အင်္ဂလန်၊ပြင်သစ် နှင့် အီးယူ

ဒီအုပ်စုကတော့ အမေရိကန်၊အင်္ဂလန် နဲ့ ပြင်သစ်ကို တစ်ပိုင်း၊အီးယူကိုတစ်ပိုင်းခွဲပြောရင် ပိုအဆင်ပြေပါမယ်။ပထမ ၃ နိုင်ငံကအတော်အတန် ဖိအားပေးနိုင်တဲ့အနေအထားမှာရှိပါတယ်။လုံခြုံရေးကောင်စီမှာလဲ ဗီတိုကိုင် နိုင်ငံတွေဆိုတော့ ကမ္ဘာ့အရေးအရာတွေမှာ လဲသြဇာကြီးတာပေါ့ဗျာ။ ဒီမိုကရေစီကယ်တင်ရှင်ကြီးများလို့လဲ ကိုယ့်ကိုယ်ဂုဏ်တင်ထားကြပါသေးတယ်။အဲ .. စစ်အစိုးရကို အတိုက်အခံပြုမယ့် အဖွဲ့ အစည်းမျိုးစုံကိုတော့ အားပေးကူညီတာ၊လက်ခံတပည့်မွေးတာတွောကိုလဲလုပ်ကြပါသေးတယ်။ကွန်မြူနစ်(ဗကပ)လိုအဖွဲ့တွေကိုတောင် အမေရိကန်မှာအချေစိုက်လှုပ်ရှားခွင့်ပေးထားလို့ လဂွန်းအိန်တောင် ကြားစက တော်တော်အံသြသေးတယ်။ ဒါပေမယ့် အစကနဦး မှာပြောခဲ့တဲ့ အချက်နှစ်ချက်ထဲက ဒုတိယ အချက်အရတော့ အများကြီးသွားမျှော်လင့်လို့မရတာသေချာပါတယ်။ဒီနေရာဟာ ပထ၀ီနိုင်ငံရေးအရ အရေးပါတယ် ဆိုတာလောက်နဲ့တော့ အခြားထူးခြားတဲ့ အကျိုးအမြတ်မျိုးမရှိပါဘူး။ အီရတ်လို ရေနံတွေ အလျှံပယ် ပေါရင်တော့တစ်မျိုးပေါ့လေ။ ဒီအုပ်စုမှာ ဦးဆောင်သူက အများသိပြီးသား အမေရိကန် ပဲဖြစ်ပါတယ်။ကျန်တာတွေကသူ့နောက်ကမဟာမိတ်ပေါ့။

နောက်တစ်ပိုင်းက အီးယူပါ။(EU) ဆိုတာတဲ့ အဖွဲ့အစည်းဟာ စီးပွားရေးနိုင်ငံရေး အတွက် လို့ သိကြပေမယ့် စစ်ရေးအတွက် အမေရိကန် ဦးဆောင်တဲ့ (NATO) မှာလဲ ဒီ(EU)ကနိုင်ငံတွေပဲအားလုံးနီးပါး ပါကြတာပါ။အခြေခံအားဖြင့်တော့ မဟာမိတ်တွေ ဆိုပေ မယ့် ဒီ(NATO)ဟာ တစ်ချိန်က ဆိုဗီယက်ကွန်မြူနစ် ရန်ကိုကြောက်လို့ဖွဲ့တာဖြစ်ပြီး အခု အဲဒီရန်သူမရှိတော့တဲ့အတွက် ဆရာကြီး အမေရိကန်နဲ့ သိပ်တော့ အစေးမကပ်တော့ပါဘူး။ သူတို့ဥရောပဒေသတွင်းကို မထိခိုက်တဲ့ ကိစ္စဆိုရင် သိပ်အလေးမထားနိုင်ဘူးလေ။ဒီတော့ (EU)လည်း ဒီလိုပါပဲ။စီးပွားရေးအရ ပဲဖိအားနည်းနည်းပါးပါး ပေးနိုင်တာပါ။

……………………………………………………………………………………………………………………………………..

၃။ရုရှား၊တရုပ်၊အိန္ဒိယ နှင့် အာဆီယံ

ဒီအဖွဲ့ကတော့ စစ်အစိုးရကို လိုလားတယ်ဆိုတဲ့ အဖွဲ့ပါ။

  • ရုရှားကတော့ အနေဝေးတာကြောင့် ကုလ မှာ ကြုံရင်ကန့်ကွက်မဲပေးတာလောက်ပဲလုပ်ပေးပါတယ်။ ဒါကလဲ နှစ်စဉ်လက်နက်အားပေးနေတဲ့ လက်ရင်းဖောက်သည် လေးကိုကာကွယ်တာလောက်ပါ။ အရေးကြီးတာက နောက်က တရုပ်အိန္ဒိယ နှင့် အာဆီယံ ။ ဒီနေရာမှာ ကမ္ဘာ့ပေါ်မှာ လူဦးရေ အများဆုံးဒီမိုကရေစီ နိုင်ငံကြီး အိန္ဒယ ပါတာကို သဘောတွေ့မယ်မထင်ပါဘူး။ပြီးတော့ အများအမြင်ဖြစ်တဲ့ စစ်အစိုးရဟာ တရုပ် သြဇာခံ ဆိုတဲ့ အချက် ကိုပါ လဂွန်းအိန် ငြင်းပါရစေ။ တစ်ကယ်တော့ အကျိုးစီးပွားသာ အဓိက ပါ။ အိန္ဒိယက ဒီမိုကရေစီနိုင်ငံဖြစ်ခြင်းမဖြစ်ခြင်းနဲ့မဆိုင်ပါဘူး။တရုပ်နဲ့ နိုင်ငံရေးဈေးပြိုင်ပေးနေတာပါ။မြန်မာနိုငံဟာ နယ်မြေအနေအထားအရ အရမ်းကိုအရေးပါပါတယ်။ဒီတော့ သူတို့ အပြီုင်လုနိုင်မှ တော်ကာကြမယ်လေ။ပြီးတော့အားလုံးမက်မောတဲ့ သဘာဝဓါတ်ငွေ့ က လဲပေါတယ်မလား။နောက်တစ်ချက်က စီးပွားရေးအတွက် ကြည့်ရင်လည်း အာဆီယံရဲ့နောက်ဖေးဝင်ပေါက်ပါ။အိန္ဒိယအတွက်ဆိုပိုတောင်အရေးကြီးပါတယ်။သူ့မှာက အာဆီယံနဲ့ကုန်သွယ်ဖို့ဆိုရင်ကုန်းလမ်းအရ မြန်မာကိုဖြတ်ကိုဖြတ်ရပါမယ်။ဒီတော့ ဒီအချက်တွေအရအိန္ဒိယဟာစစ်အစိုးရနဲ့တည့်အောင်ပေါင်း၊အပေးအယူတွေလုပ်ရပါမယ်။သူနဲ့နီးတဲ့ရခိုင်နဲ့စစ်ကိုင်းတိုင်းက
    အချို့ဒေသတွေမှာသူက နေလမ်းဖေါက်ပေးရတာတွေ တံတားထိုးပေးရတာတွေရှိနေတာကြည့်ရင် ဒါကိုသက်သေပြုနိုင်ပါပြီ။
  • နောက်တရုပ်ဟာ စစ်အစိုးရအပေါ် သြဇာအညောင်းဘူးဆိုတာကိုပါ။ရှင်းပါ့မယ်။ ၉၀ ရွေးကောက်ပွဲအပြီး ၊ ရလဒ်တွေကြေညာလို့ (NLD) နိုင်တယ် လို့လဲကြားရော ။ရန်ကုန်က သံတမန်တွေက လာပြီးဂုဏ်ပြု ကြပါတယ်။ဦးတင်ဦးက လက်ခံ ဧည့်ခံပါတယ်။ ပထမ ဦဆုံး လာပြီး အသိအမှတ်ပြု လက်ဆွဲနုတ်ဆက် လာတဲ့ သံအမတ် ဟာ ဘယ်နိုင်ငံက ပါလဲ။ သိကြပါသလား။ တရုပ်သံရုံးကပါ။ တရုပ်ဟာ ဗိုလ်စောမောင် ပြောတဲ့ စစ်တန်းလျားပြန်မယ် ဆိုတာကို အဟုတ်မှတ်နေတယ်ဆိုတာကိုသိနိုင်ပါပြီ။သူ့အနေနဲ့ က ဘယ်အစိုးရပဲ ပလ္လင်ပေါ်ရောက် ရောက် တည့်အောင်ပေါင်း၊ အခွင့်အရေးယူမှာပါပဲ။စစ်အစိုးရမို့ ကျားကန်ပေးထားတယ် ဆိုတာ လုံးဝ(လုံးဝ) မဟုတ်ပါ။စစ်အစိုးရအတွက် ငွေတွေချေး (၊ပြန်မရ)၊ စစ်သုံးယာဉ်တွေ အလကားပေး(အမှန်ကတော့ အလဲအထပ်ပါ၊ ကချင်နဲ့ ရှမ်းမြှောက် က သစ်တောတွေလဲ ကုန်ပါပြီ) ။ပြီးတော့ စောစော က ပြောတဲ့ သဘာဝဓါတ်ငွေ့ လုရတာလဲပါတာပေါ့။ဒီတော့ စစ်အစိုးရက အသာကြီး(အထက်ကပါ)။ဒါပေမယ့် အကာအကွယ်ပေးနိုင်သမျှပေးပါတယ်။ အကျိုးရှိတယ်လေ။တရုပ်အတွက် မြန်မာရဲ့တည်နေရာဟာ အိန္ဒယလို စီးပွားရေးတင်မက ၊ စစ်ရေးအရပါပို ပါပါ တယ်။သူ့နိုင်ငံပတ်လည်မှာ အမေရိကန် ရဲ့ ထီးရိပ်မိုးနိုင်ငံတွေက ၀ိုင်းနေတာမလားဗျာ။ အရှေ့မှာ ဂျပန်၊တောင်ကိုရီးယားနဲ့ထိုင်ဝမ်။တောင်မှာဆို ထိုင်း၊အနောက်မှာ ပါကစ္စတန် တို့ရှိတယ်လေ။ ဒီတော့ မြန်မာပါ လက်လွတ်ခံရရင် သွာပြီပေါ့။ဒါပေမယ့် စစ်အစိုးရ ကိုအားပေးလေ ပြည်သူတွေ ဒုက္ခရောက်လေ ဖြစ်နေတာကတော့ လုံးဝကို မကောင်းပါဘူး။
  • နောက် အာဆီယံ ။ သူကလဲ စစ်အစိုးရ ကို သံတမန်ရေး ပိုင်းကနေ ကျားကန်ပေးထားတဲ့ ဒေသတွင်းအဖွဲ့ကြီးပါ။
    အပြည်ပြည်ဆိုင်ရာက အော် ၊ သူက ကာပေး။ စီးပွားရေးတွေတွဲလုပ် ။ အကျိုးရှာကြတာပါပဲလေ။

    …………………………………………………………………………………………………………………………………………
    စစ်အစိုးရနှင့်အတိုက်အခံများ

  • ဒီအပိုင်းကတော့ တော်တော် ကိုကျယ်ပြန့်လာပါပြီ။ စစ်အစိုးရဟာ ၂၁ ရာစုမှာ အသက်ရှင်နေတဲ့ မာခီယာဗဲလီ ရဲ့ မင်းသားတွေပါပဲ။ အရှက်မရှိ၊သိက္ခာ နတ္တိ၊ ဒါပေမယ့် ထိုင်ခုံမြဲရေးမှာတော့ ဥာဏ်များပါတယ်။ ကုလသမဂ္ဂ ဆိုတဲ့ နွားကို နဖားကြိုးပိုင်ပိုင်ထိုး ပြီးကစားနိုင်တာကြည့်ရင်၊နှစ် ၂၀ ကျော်ကြာမြဲတာကိုကြည့်ရင် သိသာပါတယ်။နောက် ပြည်သူတွေကို ဖိနှိပ် ပြီး မလှန်နိုင်အောင် ချုပ်ထားတာ၊ အတိုက်အခံတွေ ကို တစ်စစနဲ့ အကိုင်းအခက် ချိုး ပြီးလို့ခုဆို အမြစ်ပါလှန်တော့မယ်လေ။ သူ့ကို မထိခိုက်ဖို့၊သူ့ဖက်ကိုမလှည့်နိင်ဖို့ ပြည်သူတွေကို အာရုံပြောင်းပေးတာ(၁လုံး၊၂လုံး၊၃လုံး)၊စားဝတ်နေရေးမပြေလည်အောင် ညစ်ထားတာတွေ ကလဲ ရက်စက် လှပါတယ်။
    ပညာရေးကို နှစ်တို စီမံကိန်းတွေ နဲ့ စနစ်တစ်ကျ ဖျက်ဆီး၊ဘွဲ့ရလို့မှ အလုပ်ကမရနိုင် ။ရှိစုမဲ့စု စဉ်းစားဥာဏ်လေးတွေကို ကိုရီးယား ကားလေးတွေ ပုံမှန်ပြ ပြီး တုံးအောင်လုပ်ပေး။လူတစ်ယောက်အတွက် ကျန်းမာရေးစာရိတ်က တစ်နှစ် ကို ကျပ် ဆယ်၊ရာဂဏန်းစွန်းရုံလေးပြဌာန်း၊၀န်ထမ်းတွေ(စစ်တပ်အောက်ခြေပိုင်းက ရဲဘော်တွေလဲပါ)ကို မ၀ရေစာလေးကျွေးပြီးမွေးထား၊ထိပ်ဆုံး ပုဂ္ဂိုလ် က အစပြုလို့ အောက်ဆုံး အမှိုက်သိမ်း တဲ့လူထိ ကို စိတ်ဓါတ်က အမြှီးကျက်ကျက်၊ခေါင်းကျက်ကျက် ရတာအကုန်စား၊ပြောရင်ကုန်မယ်တောင် မထင်တော့ဘူး။
    အနောက်ကအော်ရင် ကုလသမဂ္ဂ ၊အာဆီယံတို့ကိုအကာအကွယ် ယူပါတယ်။ အဲ.. သူတို့ကပါထပ်အော် ရင် အချိန်ဆွဲပြီး မျက်နှာပြောင်တိုက် လို့နေပါတယ်။ အေးလေဗျာ… ဖင်ပြောင်နဲ့နေမှတော့ ဒီထက်ဘာများထူးပြီးရှက်ရတော့ဦးမှာလဲ။နိုင်ငံရဲ့နောက်ဆုံးပေါ် သယံဇာသ ဖြစ်တဲ့ သဘာဝဓါတ်ငွေ့ ကို သုံးပြီး စွမ်းအင်နိုင်ငံရေးကစားပွဲ ကို ဆင်နွဲ ၊ နောက်ရတဲ့ပိုက်ဆံနဲ့ ဘယ်သူကိုမှ အကျိုးမဖြစ်စေတဲ့ ကျပ်ပြေး မြို့သစ်ကြီးတည်၊
    တော်တော် ကို ပရိယာရ်မျာနိုင်လွန်းလှပါရဲ့။ဒီငွေတွေကိုသာ တိုင်းပြည်ရဲ့အခြေခံအဆောက်အဦးဖွံဖြိုးရေးမှာသာသုံးခဲ့ရင်သိပ်ကောင်းမှာပဲလို့ လဂွန်းအိန် မကြာခဏ ညီးမိတာအမှန်ပါ။သူ့ရဲ့ စွမ်းအင်နိုင်ငံရေး ကစားပွဲမှာ ထိုင်း၊အိန္ဒိယ၊အမေရိကန်၊ပြင်သစ်၊တောင်ကိုရီးယား၊ရုရှား၊တရုပ်တို့ပါဝင်ကစားကြပြီး ကစားပွဲဟာ အောင်အောင်မြင်မြင်နဲ့ စစ်အစိုးရအတွက် တော်တော် ကိုပဲ စီးပွားရေး၊နိုင်ငံရေး၊စစ်ရေးတို့ မှာအသာရနိုင်တဲ့အနေအထားကိုရောက် ရှိလို့နေပါပြီဗျာ။ထိုင်းဆိုရင် ခုကြည့်ပါလား။နေ့တိုင်းကိုကျပ်ပြေးလာပြီး မဖူးရုံတမယ်ပဲကျန်တယ်။ပြောသမျှ ဟုတ်ပ ပဲ။ငြင်းတယ်တောင်မကြားရဘူး။
  • တစ်ဖက်မှာအတိုက်အခံတွေကတော့ တစ်ဖြည်းဖြည်းနဲ့ ထန်းညက်လုံးခွေးလျှက်ဆိုသလို ပဲ လုံးပါးရော ပြာပါး ပါ ပါးလာလိုက် တာ ခုတော့ လေသံ သဲ့သဲ့လေးပဲကျန်တော့တယ်။ အသံပေးနိုင်ရုံလေးပဲဆိုပါတော့လေ။နောက်ဆို အငွ့လေးတောင် ပျံနိုင်ပါ့မလားမသိ။ပြည်သူတွေက လဲစောစော က ပြောသလို စားဝတ်နေရေး ပြသနာတွေနဲ့လုံးပန်းနေရတော့ ဒီနိုင်ငံရေး ဆိုတာ ကြာလေဝေး ဖြစ်နေတာပေါ့ဗျာ။ဒီတော့ အတိုက်အခံတွေ လဲလေပဲပစ်ကြပေါ့ဗျာ။ ၈၈ တုန်းက စတင်ဆန္ဒပြတဲ့ သြဂုတ် ၈ ရက် နဲ့ စစ်တပ်က အာဏာသိမ်းတဲ့ စက်တင်ဘာ ၁၁ ရက် ဆိုတာ တော်တော် ကိုကြာပါတယ်။ ဒီအချိန် အတွင်းမှာ ကိုအတိုက်အခံတွေအနေနဲ့ ဘာမှဖြစ်လာအောင် မလုပ်နိုင်ခဲ့ကြတာ ညံ့လို့ပေါ့ ။ရူပဗေဒ သဘောတရားနဲ့ကြည့်ရင်လဲ ကျောက်တုံးကြီး ကိုဘယ်လိုပဲအားစိုက် တွန်းတွန်း ဒီကျောက်တုံးက မရွေ့ ရင်ဒါဟာ မလုပ်လုပ်တယ်လို့မသတ်မှတ်ပါဘူး။ဒီလိုပါပဲ ဘယ်လို ပဲကြေညာချက်တွေ ထုတ်ထုတ်၊ ဘယ်လိုပဲ အော်အော် စစ်အစိုးရဆိုတဲ့ ကျောက်တုံးကြီး မရွေ့ရင် တော်လှန်ရေးအောင်မြင်တယ်လို့ မသတ်မှတ်နိုင်ပါဘူး။…………………………………………………………………………………………………………………………..
    ၅။ မြန်မာပြည်သူများ
    ဒီမိုကရေစီ ရရှိရေးမှာ အစွမ်းဆောင်နိုင်ဆုံး၊ဖြစ်နိုင်ချေ အရှိဆုံး အဓိကစွမ်းဆောင်နိုင်သူတွေ(Key players)ကတော့ မြန်မာပြည်သူများ ကိုယ်တိုင်ပဲဖြစ်ပါတယ်။ဒါပေမယ့် မြန်မာ ပြည်သူတွေထဲမှာ ရော နိုင်ငံရေးကို အားကျိုးမာန်တက် စိတ်ပါဝင်စားသူ ဘယ်နှ ရာခိုင်နှုံး ရှိပါသလဲ။နေ့စဉ်စားဝတ်နေရေး ပြသနာ သာမြန်မာ လူထု ရဲ့ အဓိကအနေအထားမှာ ရှိနေဆဲပါ။ ပညာရေး နှိမ့်ကျမှု ကလဲ လူတွေရဲ့ ဥာဏ်ရည် ကို ခပ်တုံးတုံး ဖြစ်အောင် ဖန်တီးပါတယ်။တစ်ကယ်တော့ မြန်မာဆိုတဲ့ လူမျိုးဟာ နေအေးအေး၊စားအေးအေး လူမျိုးပါ။ အမှတ်အတေး လဲနည်းပါတယ်။ စားဝတ်နေရေးသာ ပြည်လည် ရင် သိပ်ဆူဆူ ပူပူ မလုပ်ကြပါဘူး။ ၈၈ အရေးအခင်းဆိုတာကလဲ နိုင်ငံရေး ရည်မှန်းချက်ထက် ဆန်ဈေးတက် လို့ ၊ငွေစက္ကူကိုတရားမ၀င်ကြေညာလို့ပေါ်ပေါက်လာခဲ့ရတာပါ။ နောက်ဆုံးပြီးခဲ့တဲ့ စက်တင်ဘာအရေးအခင်း ပလဲပဲ စားဝတ်နေရေး ပြသနာ ကြောင့်မဟုတ်ခဲ့ရင် ဖြစ်လာမှာ မဟုတ်ပါဘူး။ ဒီနေရာမှာတော့ ရဟန်းသံဃာ များကို လေးစားမိပါတယ်။ အစိုးရ ပြောသလိုသာ ရဟန်းတွေ နိုင်ငံရေး လုပ်ခွင့် မရှိဘူးဆိုရင် ပုဂံ ခေတ်က ရှင်ဒိသာပါမောက် ဟာ သမိုင်းစာမျက်နှာတွေမှာ ရှင်သန်ကျန်ရစ် နိုင်မှာ မဟုတ်ပါဘူး။
  • မြန်မာ လူမျိုးတွေမှာ အားနည်းချက်တွေကလဲများလှပါတယ်။ ရိုးတာကိုလွန်ပြီး အနေတယ်၊လေးစားတာကိုကျော်ပြီးကြောက်နေတယ်၊သီးခံတာနဲ့ ကိုယ့်အခွင့်အရေးတွေ တစ်တိတိ ဆုံးရှုံးခံနေတာတွေက သဘာဝမကျပါဘူး။အမှန်ကိုအမှန်အတိုင်းမြင်နိုင်ဖို့ကြိုးစာားကပါလို့တိုက်တွန်းချင်ပါတယ်။
    နိဗ္ဗန်ရောက်ကြောင်းတရား မဂ္ဂင်ရှစ်ပါးမှာ သမ္မာဒိဌိ ဟာ အရေးအပါဆုံးပါ။ဒါကြောင့် အမြင်မှန် ကို မြင်နိုင်ဖို့အရေးကြီးပါတယ်။ ငါတို့ ဆုံးရှုံးနေပါလား၊ငါတို့ အနှိမ်ခံနေရပါလား ဆိုတဲ့ အမြင်မှန်ကိုပါ။ဒီလို မမြင်နိုင်လို့လဲ စစ်အာဏာရှင် စနစ်ဆိုးအောက်မှာ နှစ်ပေါင်း ၄၀ ကျော် ၅၀ နီးပါ နေလာခဲ့ကြရတာပါ။အချိန်မှန် ၂ လုံး၊၃လုံးထိုးနေရလို့၊ ကိုရီးယားကားလေးမှန်မှန် ကြည့်နေရလို့ ငါတို့က အေးဆေးပါ ဆိုရင်တော့ ကိုယ်ချစ်တဲ့နောက်မျိုးဆက်တွေကို ဒီထက်ဆိုးတဲ့ နွံထဲမှာ နှစ်ချန်ခဲ့တာနဲ့ အတူတူပါပဲ။ ပြီးတော့ ကံမကောင်းဘူးညီးညီးနေတာ ကိုယ်ညံ့ပါတယ်လို့ ၀န်ခံရာရောက်ပါတယ်။ တစ်ကယ်တော့ ကံဆိုတာ အလုပ်ပါ။ ကိုယ်အလုပ်ကောင်းကောင်းလုပ်ရင် ကောင်းတာကို ခံစားရပါမယ်၊ကောင်းကောင်း မလုပ်ရင် ကောင်းကောင်းမလုပ်တဲ့ အကျိုးကို ခံစားရပါမယ်။ အဲ.. ဘာမှမလုပ်ပဲ ကံမကောင်းဘူးညီးနေတာကတော့ ဆိုးပါတယ်။ညီးနေတာ ထက် တစ်ခုခု ကို ထလုပ်လိုက်ကြတာ ကမှ ပို လို့အကျိုးရှိပါလိမ့်မယ်။