လဂွန်းအိန်

သို့ .. ကမ္ဘာမြေကြီးခင်ဗျာ

ကျွန်တော် လဂွန်းအိန် မြန်မာနိုင်ငံက စာရေးလိုက်ပါတယ်။ ဒီရင်ဖွင့်စာကိုရေးနေချိန် အခြားသော ကမ္ဘာ့ နေရာတော်တော်များများ မှာလင်းနေမှာသေချာပေမယ့် ဒီမှာတော့ မီးမလာသောကြောင့် ဈေးကြီးပေးဝယ်ရသော ဖယောင်းတိုင် ဖြင့်ရေးနေရပါတယ်။ ဒီနေရာမှာက ချွတ်ယွင်းချက်တွေ များလှပါတယ်။ ဥပမာအားဖြင့် ..၂၄ နာရီ မီးလင်းပြီလို့ သတင်းစာမှာ ခဏ ခဏ ပါတာကို ခုလို ဖယောင်းတိုင် နဲ့ မကြာမကြာ ဖတ်ရတတ်ပါတယ်။အဂတိ လိုက်စားမှုတိုက်ဖျက်ရေး ဥပဒေဆိုတာ အစိုးရ ၀န်ထမ်းတွေ နဲ့ မပတ်သတ်ဘူးဖြစ်နေပါတယ်။တရားစီရင်ရေးမှာတော့ ‘ဥပဒေ တွင် မည်သို့ပင်ဆိုစေကာမူ’ ဆိုတဲ့ စကားလုံးနဲ့ ပုဒ်မ မဲ့တဲ့ အမှုတွေ ရှိတတ်ပါတယ်။တရားဥပဒေ စိုးမိုးရေးအတွက် မီးသတ်၊ ကြံဖွတ် နဲ့ ရမ်းကားရှင်တွေ ကိုအသုံးပြုပါသေးတယ်။ဒါကြောင့် ကျွန်တော်တို့မှာ မီးသတ်သမားနဲ့တွေ့ရင်တောင် စေ့စေ့ မကြည့်ဝံ့တာကြာခဲ့ပါပြီ။

ကျန်းမာရေးအတွက် ဆရာဝန်တွေ ထောင်ချီတဲ့အရေအတွက်နဲ့မွေးထုတ်ပေးနေပါတယ်။အခြားဘာသာနဲ့ ဘွဲ့ရတွေ ကတော့ လတ်မှတ်ရ အလုပ်လက်မဲ့ဘ၀ နဲ့ ဂုဏ်ရှိရှိ အားယားနေနိုင်ပါတယ်။ကာကွယ်ရေးအတွက် နှစ်စဉ် ဗိုလ်ပေါင်းထောင်ချီ
အပြိုင်မွေးထုတ်ပါတယ်။ တစ်ချို့ကို ရုရှားပြည် သို့ပို့ပါတယ်။နောက်နှောင် စစ်ရေးစစ်ရာပေါ်လျှင် တပ်သားမပါ ဗိုလ်ချဉ်းသာချီတက် တိုက်ခိုက်တော့မယ်ဟုထင်ရပါတယ်။စက်မှုဖွံဖြိုးရေး ကဏ္ထာ အတွက် စက်မှုဇုန်တွေထူထောင်ပေးပြီးဗိုလ်ချုပ်ကြီးများရဲ့နာမည်ကျော်နဲ့
မြေကွက်တွေချထားပေးပါသေးတယ်။

ကလေးငယ်များအတွက်အခြေခံပညာရေးနဲ့ပတ်သတ်လို့ မျောက်သစ်ပင်ရေလောင်းနည်း စီမံကိန်းနဲ့ ဖော်ဆောင်ပါတယ်။
လေး၊ငါးနှစ်တစ်ခါ သင်ရိုးညွှန်းတမ်း ကို(ဖောဖော သီသီ) ပြင်ဆင်ပြဌာန်းပေးပါတယ်။မအောင်မရှိ အတန်းတက်စနစ် မှာ ကျောင်းချိန်နဲ့
မလောက်င ဘူးထင်လို့ ကျူရှင်တွေ နဲ့အလွတ်ကျက်ဖို့သင်ပေးပါသေးတယ်။ဆရာသမားဆိုတာ တံစိုးလက်ဆောင် နဲ့ ကျူရှင်လခ ဆိုပြီး နားလည်သိတတ်တဲ့ မျိုးဆက်သစ်ကျောင်းသားတွေ ရဲ့ခေတ် လို့တောင်ကြွေးကြော်နိုင်ပါပြီ။

ဒီလိုအားနည်း ချက်ပေါင်းစုံ ရဲ့အကြောင်းတရားကတော့ စစ်အာဏာရှင်စနစ် သက်ဆိုးရှည်နေတာပါပဲ။ နှစ်စဉ် တိုင်းပြည်ရဲ့ အရင်းအမြစ်တွေ၊ ရရှိတဲ့အခွန်ငွေတွေ ကို ကိုယ်ပိုင်ဥစ္စာ လို့သဘောထား နိုင်တဲ့(ထားရဲတဲ့) သူရဲကောင်းစိတ်ဓါတ်ကိုတော့ မလေးစားပဲမနေနိုင်ပါခင်ဗျာ။ ဒါ့အပြင် ပြည်သူ့ရိက္ခာစားလို့လည်မျိုကမကျသေးခင် ပြည်သူ့ဂုတ်သွေးစုတ်မယ့် သူလိုမျိုးဆက်သစ်တွေ ကိုကြီးပျင်းအောင်ဒီငွေတွေနဲ့မွေးမြူပါတယ်။

ကမ္ဘာကြီးခင်ဗျာ .. ခုလို ရင်ဖွင့်တာကို စိတ်ညစ်ခံပြီး၊သီးခံပြီး ဖတ်ပေးတာကို ကျေးဇူးတင်ပါတယ်ခင်ဗျာ။

လဂွန်းအိန်
ခေတ္တ – လူ့ပြည်၊မြန်မာနိုင်ငံ

စစ်အစိုးရ ရဲ့ ယောင်ပြ ၀န်ကြီးချုပ် သိန်းစိန် က အလှုခံအစည်းအဝေးမှာ ဒေါ်လာ ၁၁ ဘီလျံ လိုအပ်ကြောင်း အရှက်မရှိတောင်းရမ်းခဲ့တယ်လို့သိရပါတယ်။ စိတ်မကောင်းပါဘူး။တစ်ကယ်သာ ပေးခဲ့ကြရင် ဒီငွေတွေဘယ်သူတွေဆီကို၊
ဘယ်အိတ်ထောင်တွေထဲကို ရောက်မယ်ဆိုတာ အားလုံးသိကြပါတယ်ဗျာ။

ဒီရက်ပိုင်းတွေမှာ ဒုက္ခသည်တွေကို အကူအညီ ပေးဖို့ ရန်ကုန်က ထွက်တဲ့ကားတွေကို ဧရာဝတီတိုင်းထဲ အ၀င်မခံပဲ (လူကိုပြောတာပါ)
ပစ္စည်တွေကိုတော့ အကုန် ယူထားတယ်လို့ကြားနေရပါတယ်။ လုပ်ကြပေါ့လေ။ ငရဲမကြောက်ရင်။ဘယ်လို ‘ဥ’ တွေကပေါက်ပြီး၊ဘာချီးတွေစားပြီးကြီးမှန်းမသိ လောက်အောင်ကို အစွမ်းရှိသလောက် မိုက်ရိုင်းနေကြတာ။

ရှင်းရှင်းပြောရရင် သူတို့တွေလည်း ဗုဓ္ဒဘာသာတွေပါ။ သူတစ်ပါးရဲ့ အလှု ကို မကူညီနိုင်ရင်တောင် အနည်းဆုံးသာဓုလေး ဖြစ်ဖြစ် ခေါ်ပြီးကုသိုလ်ယူနိုင်ပါတယ်လေ။ဒါကို ကူညီဖို့နေနေသာသာ ဘေးကနေကန့်လန့် ကန့်လန့်နဲ့ ဖျက်လို ဖျက်ဆီး လုပ်နေတာများလား..ဘယ်လိုမှ မြင်၊ကြား၊သိ လို့မှ မသင့်တော် ။

မနေ့ကလည်း အသိတစ်ယောက်ဆီကို နိုင်ငံခြားက (တရုပ်) ပုဂ္ဂလိဂ အလှုရှင်တွေ လာပြိးဆန်လှုဖို့ ဆန်လာဝယ်ကြပါတယ်။ ဒါကို
ဘေးကပါလာတဲ့( ဘယ်ရုံးကဆိုလား) ၀န်ထမ်းလို့တော့ ပြောတာပါပဲ။ အဲဒီ ပုဂ္ဂိုလ်က ဆန်ကုန်သည်ဆီက ကော်မရှင်ပြန်တောင်းတာတဲ့။
သူပြောတာက တော့ သူက ၀န်ကြီးနဲ့ပိုင်တယ်တဲ့ ။ နယ်ကျော်လို့ရအောင် သူလိုက်ပြောပေးမယ်တဲ့။ ရှင်းရှင်းပြောရရင် အကြံအဖန်ပေါ့ဗျာ။ ဘယ်လောက်များ အရှက်မရှိ၊ရုပ်ဆိုးမှန်း မသိတော့ ဘူးဗျာ။ လဂွန်းအိန်တော့ သူ့အစားရှက်လိုက်တာ။

ဘယ့်နယ်ဗျာ…သူများက နိုင်ငံခြားကနေ တကူးတက လှုချင်လွန်းလို့၊ကိုယ်ချင်းစာလို့ လာကူညီပေးတာ ။ ဒီက မောင်မင်းကြီးသားများက ကော်မရှင်တဲ့။မျက်နှာတောင်ဘယ်နားထားရမှန်းမသိလောက်အောင် ရှက်မိပါရဲ့ဗျာ။ လူရှေ့ပေါ်တင်တောင်းတာပါ။ တိုးတိုးတိတ်တိတ် တောင်းတဲ့ ခေတ် တောင်မဟုတ်တော့ဘူးဗျ။

ဒီလို လူတွေ လက်ထဲ ဒေါ်လာတွေသာ အလုံးလိုက်အရင်လိုက် ထည့်လိုက်ရင်တော့ လဂွန်းအိန်တို့ မြန်မာ ပြည်သူတွေတော့…….။
နှိပ်စက်မယ့် လူမိုက်တွေလက်ထဲကို တုပ်၊ဓါးတွေ ထပ်ဖြည့်ပေလိုက်တာနဲ့ ဘာမှ ခြားမယ်မထင်ပါခင်ဗျာ…။

ပုံပြင်အဟောင်းလေးတစ်ပုဒ်ပါ။ကြားဖူးတဲ့လူတွေရှိသလို မကြားဖူးတဲ့လူတွေအတွက် တင်ဆက်ပေးလိုက်ပါတယ်။

ဟိုးရှေးရှေ… ရှေးရှေ တုန်းကပေါ့ … ဘုရင့်နေပြည်တော်ကြီးနဲ့ မနီးမဝေး ရွာတစ်ရွာမှာ .. ကောင်လေးတစ်ယောက်ရှိသတဲ့။
ကောင်လေးကပျင်းတာကလွဲရင် တစ်ခြားဘာမှ အပြစ်ပြောစရာမရှိဘူးတဲ့။ (လဂွန်းအိန် လိုပဲနေမှာ)
တစ်နေ့ ကောင်လေးက ဗေဒင်ဆရာဆီသွားပြီး၊ဗေဒင်လေးဘာလေးမေးတာပေါ့။ ဘာလား၊ညာလား နဲ့ နေမှာပေါ့။

ဒီတော့ ဗေဒင်ဆရာကပြောတယ်.. “ကောင်လေး .. မင်းမစိုးရိမ်နဲ့ .. မင်းဘ၀ကောင်းစားဦးမယ်။
မင်းမှာထီးဖြူဆောင်းရမယ့်ကံဇာတာ ပါတယ်။”

ကောင်လေးကလဲ ပြန်မေးတာပေါ့ ..” သေချာလားဆြာ ..” ပေါ့ ။
ဆြာကလဲ ..” သေချာပါတယ်”ပေါ့ ။

ဒီတော့ ကောင်လေးလဲ .. နဂိုကမှ ပျင်းတဲ့ အခံလေးကရှိတော့ သူ့ကိုသူ မင်းဖြစ်မယ့်ကောင်ဆိုပြီးဘာမှ မလုပ်ဘဲ၊
တစ်နေ့တစ်နေ့ နဲ့ တစ်ရွေ့ရွေ့ အချိန်တွေ ကုန်လာလိုက်တာ… နောက်ဆုံး အပြင်းအထန်ဖျားနာပြီး ပြုစုမယ့် သူမရှိလို့
လမ်းဘေးမှာ လေလွင့်နေရင်း၊ သူသေမယ့် အချိန်ကို မျှော်နေတုန်းမှာပဲ …

သူတို့ တိုင်းပြည်က ဘုရင်ကြီး တိုင်းခန်းလှည့်တာနဲ့ကြုံပါတယ်တဲ့..။

ဒီတော့ ကြင်နာတတ်တဲ့ဘုရင်ကြီးက သူလမ်းဘေးမှာလဲ နေတာတွေ့ပြီး သနားစိတ်ဝင်လာတယ်တဲ့။
သူ့အမှုးအမတ်တွေ နဲ့ ကြည့်ရှု ခိုင်းတော့ .. မကြာခင်သေမယ့် လူမမာ ဆိုတာကိုလဲသိရော..
ဘုရင်ကြီးက အရမ်းသနားသွားပြီး သူ့ ကိုယ်ရံတော်တွေ၊အမတ်တွေ ကို အမိန့်ပေးတယ်..

“ဟေ့ .. ဒီ မကြာခင် .. ကွယ်လွန်မယ့် သူကို .. နောက်ဆုံး သက်သက်သာသာ နဲ့ဘ၀ကူးရအောင်
ငါကိုယ်တော်ရဲ့ ထီးဖြူနဲ့ မိုးထားပေးလိုက်စမ်း မောင်မင်းများ .. “ဆိုပြီး အမိန့်ပေးတယ်.. တဲ့ .. ။

ဒီလိုနဲ့ မင်းမှုထမ်းတွေ လည်း အမိန့်အတိုင်း ထီးဖြူကို ကောင်လေး(ကောင်ကြီးဖြစ်နေလောက်ပြီ ထင်ပါတယ်)
ပေါ်မှာ မိုးပေး၊ ဘုရင်ကြီးလည်းတိုင်းခန်းဆက်လှည့်သွား.. နောက်ကောင်လေးလည်း အဲဒီနေရာမှာတင် သေသွား..
ဒီလိုနဲ့ ဇာတ်လမ်းလေးလဲ ပြီးရောဆိုပါတော့ ဗျာ။

ဒီပုံပြင်လေးက ဘာပဲဖြစ်ဖြစ် စဉ်းစားစရာလေးတော့ ပေးနိုင်မှာပါ..။

တစ်နေ့က အသိတစ်ယောက် အဖမ်းခံရတယ်ကြားလို့ သတင်းသွားမေးတာ။
ဟိုရောက်တော့ မေးတာပေါ့။ ဘာမှုနဲ့လဲ..ဘယ်တော့လွတ်မှာလဲပေါ့။

သူ့အကျင့် ကိုက နဲနဲ ပြောရဲဆိုရဲ၊စိတ်ကလဲမြန်ဆိုတော့ လဲ ကိုယ်ကတော့ ပိုစိုးရိမ်တာပေါ့ဗျာ။
သူ့အမျိုးသမီးကပြောပြပါတယ်…

ရှင်တို့သူငယ်ချင်းကိုက ပါးစပ်သရမ်းတာ။ သူငြိမ်ငြိမ်နေရင်ဘာမှ မဖြစ်ဘူး။
ခုဟာက ဘာမှမဟုတ်ပဲပါသွားတာ။ ဖြစ်ပုံကဒီလို .. ဘေးအိမ်က မီးကြိုးပျက်ကျပြီးမီးမလာဘူး။
ကျန်တဲ့အိမ်တွေကလာတယ်။ အဲဒါ ကို သူတို့က မီးသမားခေါ်ပြင်တော့ ကျုပ်တို့အိမ်က
မီးကြိုးပါပြုတ် ပြီးမီးမလာတော့ဘူးဖြစ်သွားတယ်။ ဟိုကမှ တိုင်ပေါ်မှာ လုပ်လို့ပြင်လို့မပြီးသေးတာ။
ပြီးတော့ပြန်လာမှာပေါ့။

အဲဒါကိုရှင်တို့လူက အငြိမ်မနေဘဲ ဓါတ်တိုင်အောက်သွား၊ပြီးတော့ ပွစိ ၊ ပွစိ နဲ့ သွားပြောတာ။
အဲဒါ .. အနားမှာထောက်လှမ်းရေးက ရှိနေတော့ ခဏလိုက်ခဲ့ပါဆိုပြီး ဖမ်းသွားရောလား။

ကျွန်တော်တို့ကလဲ သူဘာများသွားပြောမိလို့လဲ အမရယ်လို့ပေးတော့

ဘာမှ မဟုတ်ဘူး .. သူပြောတာက “ဒီကောင်တက်လုပ်မှဘဲပျက်တော့တယ်” တဲ့..။ 😀

မြန်မာတို့လွတ်လပ်ရေးရခါနီး..ဘုရင်ခံဆာဟူးဘတ်ရန့် နဲ့ ဦးနု တို့ မြန်မာနိုင်ငံလွတ်လပ်ရေးနေ့ အတွက်ဆွေးနွေးကြတယ်။

ရန့်။ ။ မစ်စတာနု ၊ ခင်များတို့ ဗမာတွေ ဘယ်နေ့ လွတ်လပ်ရေး ယူကြမှာလဲ။ကျုပ်က လဲဘိလပ်ကိုပြန်ချင်လှပြီ၊မြန်မြန်သာယူတော့ဗျာ။

နု။ ။ကျွန်တော်တို့ ဇန်န၀ါရီ (၄) ရက်နေ့ ၊နံနက် (၄) နာရီ ၊မိနစ် (၂၀) မှာယူမယ်ဗျာ။

ရန့်။ ။အင်း….နေ့ရက် ကတော့ ပြသနာမရှိပါဘူး ၊ ဒါပေမယ့် မစ်စတာနုရယ်… အချိန်က သိပ်မစောလွန်းနေဘူးလားဗျာ..။

နု။ ။မဟုတ်ဘူးဗျ။ ကျွန်တော်တို့က ဗေဒင်တွေ၊နက္ခတွေတွက်ပြီးပြီ။အဲဒီနေ့၊အဲဒီအချိန်က ကျွန်တော်တို့ အတွက်အကောင်းဆုံးပဲတဲ့။

ရန့်။ ။အင်း…. ပြီးတာဘဲလေဗျာ ။ ကျွန်တော်က ခင်များတို့အတွက်ပြောတာပါ။ ကျွန်တော်ကတော့ပြသနာမရှိပါဘူး။တစ်ရက်တည်းပဲဟာ..။
ဒါပေမယ့် ခင်များတို့ကတော့ နှစ်စဉ်နှစ်တိုင်း အစောကြီးထကြပေဦးပေါ့ဗျာ…။

မှတ်ချက်။ ။မိုးမလင်းသေးသော အချိန်တွင် လွတ်လပ်ရေးသွားယူမိသောကြောင့်လားမသိ၊
လဂွန်းအိန်တို့မြန်မာနိုင်ငံကြီးယခုထိမိုးမလင်းနိုင်သေးဘဲဖြစ်နေပါသည်။

ငါးနှစ်ရှိခဲ့ပြီအမေ သားတို့မျှော်ခဲ့တာပေါ့၊
စောင့်ခဲ့ရတဲ့အချိန်တွေကြာခဲ့ပေမယ့်သားတို့မမောပါဘူး။

အမေ့ကွယ်ရာမှာသားတို့ ညှင်းဆဲခံရတာတွေ၊
ကိုယ်တိုင်အညှင်းဆဲခံနေရတဲ့ အမေမမြင်နိုင်ခဲ့တာမဆန်းပါဘူးဗျာ။

မုန်တိုင်းဒဏ်ခံနေရတဲ့ သားတို့အတွက် အမေလိုတယ်၊
အစိမ်းရောင်တိရိစ္ဆာန်တွေရဲ့ရက်စက်မှုတွေကပါလွပ်မြှောက်ဖို့ရောပေ့ါ။

မျှော်လင့်ချက်တွေ ထပ်တစ်ခါအားသစ်လောင်းမယ့်သူ၊
ကိုးစားတွယ်တာမှုအပေါင်းတို့ ရဲ့မိခင်တစ်ဦး။

အမေနဲ့သားတို့တစ်တွေ တောင်ပံခတ် ပျံသန်းဦးမယ့်ရက်တွေ၊
ဟိုး …. မိုးကုတ်စက်ဝိုင်းဆီက လွပ်လပ်မှုတွေ ဆီဦးတည်လို့ပျံမယ်။

နွေးထွေးခြင်းတွေနဲ့ နေရောင်ခြည်ကို ပွေ့ယူနိုင်တဲ့
အတောင်ပံတွေနဲ့ အားပေးပါဦး .. အမေရယ် ။

ရှင်သန်ခွင့်ကို ပေးမယ့် မေတ္တာတရားတွေနဲ့
အိပ်မက်တွေကို အသက်သွင်းပါဦးလား အမေရယ် ။

အမေသာတစ်ကယ်ပြန်လာမယ်ဆိုရင်လေ
သားတို့ဒီတစ်ညလုံး မအိပ်ဘဲမျှော်နေမှာပါ…။

ငါတို့အိမ်မက်တွေ မက်ခဲ့ဘူးတယ်
လှပတဲ့ အိမ်မက်တွေပေါ့။

ထောင်နဲ့ ချီတဲ့ အဲဒီအိမ်မက်တွေကြား
ပြေးရင်းလွှားရင်း စီးမျှောကြတယ်။

အိမ်မက်ဟာ မျှော်လင့်ခြင်းပါ
အိမ်မက်တွေဟာ ယုံကြည်နေခြင်းပါ။

ဒီအိမ်မက်တွေကို ရပ်တန့်လိုက်တဲ့
နာဂစ် ရယ် ….. ခုတော့ မင်းကြောင့်

ကလေးတွေရဲ့ အနာဂတ် မလှပတော့ဘူး
လူတွေရဲ့ မျှော်လင့်ခြင်းတွေ ဆုံးပါးခဲ့ရပြီ။

မင်းဟာ နာမည် လှသလောက်
မင်းသယ်ဆောင်လာခဲ့တာ ရက်စက်ခြင်းပဲ။

မိသားစုတွေ ကွဲကွာခဲ့ရလေခြင်း
ချစ်ခင်သူတွေ ကွေကွင်းရတဲ့နာကျင်ခြင်း။

ဒါပေမယ့် မင်းသိထားဖို့က နာဂစ် ရယ်
မင်းရက်စက် ရပ်တန့်လိုက်ပေမယ့်

ဒို့အိမ်မက်တွေ ဆက်ရှင်သန်ဦးမယ်
ဒို့ အိမ်မက်တွေကို ဆက်မွေးဖွားစေဦးမယ်။

ကမ္ဘာဦးကတည်းက လူသားမျိုးနွယ်ဆိုတာ
ကြိုးစားမှုရဲ့ ရလဒ်နဲ့ ရှင်သန်ခဲ့တာပါ။

မျှော်လင့်ချက်နဲ့ အသက်ဆက်ခဲ့တာမျိုးပါ
ယုံကြည်မှုတွေ နဲ့ရှေ့ဆက်ကြတာရယ်ပါ။

ဒို့လဲရင် ဒို့အချင်းချင်းကူကြမယ်
ဒို့နာရင် ဒို့အချင်းချင်း ကုကြမယ်။

အပြန်အလှန်အားဖြင့် အိမ်မက်တွေ မျှဝေမယ်။
စာနာခြင်းတွေ နဲ့ဒို့အသဲနှလုံးတွေကို

အသစ်တစ်ဖန်ပြန်လို့လတ်ဆတ်စေကြမယ်လေ
ဒီနှလုံးသားတွေနဲ့ပဲ အိမ်မက်တွေဆက်မက်မှာပေါ့။

နာဂစ်မုန်တိုင်းပြီးတာ ၂ ပတ်ကျော်ခဲ့ပါပြီ။မုန်တိုင်းဒဏ်ခံမြန်မာပြည်သူတွေ တစ်ကယ်ကိုကယ်တင်ခြင်းခံနေရပါသလား။
ဒီကိစ္စနဲ့ပတ်သတ်လို့ မေးမြန်းနိုင်သမျှကို မေးမြန်းခဲ့ပါတယ်။ အကုန်လုံးဟာ အဖြစ်မှန်တွေပါ။ ပထမတစ်ဦးကတော့ တစ်ကယ်ကို ကိုယ်တိုင်ကိုကျ အလှု သွားခဲ့သူ၊ အကူအညီ သွားပေးခဲ့သူတစ်ဦးပါ။
‘ ကျွန်တော်တို့ရောက်သွားတော့ ကားလမ်းဘေးမှာ လူတွေ ရာနဲ့ချီပြီး ထိုင်နေကြပါတယ်။ နောက်မကြာခင်မှာဘဲ လမ်းရဲ့ တစ်ဖက် ကချောင်းလေး ဆီက ဝေါဝေါ၊ဝေါဝေါ နဲ့ အသံတွေ ကြားရလို့သေချာကြည့်မှ လူတွေ ချောင်းလေးကို အလုအယက် ကူးလာနေကြတာပါ။
နောက်ဆုံးတော့ လူ ၂ သောင်းကျော် လောက်ဖြစ်သွားပါတယ်။ ဘယ်လောက်များအခြေအနေဆိုးလဲတော့မ သိဘူးဗျာ။ ကျွန်တော်တို့ ရေတိုက်တာတောင် ခွက်မရှိတဲ့လူတွေ ကများနေလို့ နောက်ဆုံး ရေပုံးပါပေးခဲ့ရတယ်။နောက် ကလေးတစ်ယောက်၊၁၂ နှစ်တဲ့၊ ကျန်တဲ့မိသားစုတွေက ရေထဲပါသွားတယ်။သူကတော့ သစ်ပင်ကြီးတစ်ပင်ပေါ်တင်နေလို့ရှင်ကျန်နေခဲ့တာတဲ့။ဘာမှတော့ မဖြစ်ဘူး။ကံကြီးတယ်ပြောရမှာပေါ့။ဒါပေမယ့် စိတ်ခြောက်ခြားနေရှာတယ်။ခုဘုန်းကြီးကျောင်းမှာနေတာ။သနားပါတယ်ဗျာ။’
သူသွားခဲ့တာက မြောင်းမြမြို့ဘက်ပဲဖြစ်ပါတယ်။

နောက်တစ်ဦးကတော့ ရေဘေးဒဏ် ကိုယ်တိုင်ခံခဲ့ရတဲ့ ဧရာဝတီတိုင်း ကဆန်စကပိုင်ရှင်တစ်ဦးပါ။
‘ကျွန်တော်တို့ သက်ကယ်သောင်ရွာမှာရေတက်တော့ ညနေ ၃ နာရီလောက်ပဲရှိပါသေးတယ်။ ရေကခြေမျက်စိလောက်ရောက်လာလို့ ကျွန်တော့ တစ်ထပ်အိမ်နဲ့တော့ မရလောက်ဘူး။ ခုနှစ်အိမ်ကျော်က ယောက်ခမ အိမ်က ၂ ထပ်ဆိုတော့ သူတို့ဆီတော့ လွတ်နိုင်တယ်… ဆိုပြီး ကျွန်တော်တို့လင်မယားနှစ်ယောက် ကလေးနှစ်ယောက်ကို ချီပြီး သွားပို့ကြတာ။ ဟိုလဲရောက်ရော ရေက ဒူးလောက်ဖြစ်သွားပြီဗျ။ သိပ်မြန်တာ။ ကလေးတွေ အိမ်အပေါ်ထပ်ကို ပို့ပြီးလို့ ပြန်ဆင်းမယ်လဲကြံရော ၊ရေက ရင်ဘတ်ရောက်သွားပြီ။ဆန်စက်ရော ၊စပါးစည်ရော၊ ကျွန်တော်တို့လင်မယားနှစ်ယောက် အနှစ်နှစ် အလလ စုထားတာလေး တွေ ပါ အကုန်ရေထဲကိုပါသွားပါတယ်ဗျာ။
ကျွန်တော်တို့တစ်ရွာလုံးလဲကုန်သလောက်ပါပဲ။လူတွေလဲသေတာမှ အလောင်းတွေကို ထပ်နေတာပဲဗျာ။ထောက်ပံ့ရေးကလား။လာပါတယ်။ လူ ၂ ထောင်ကျော်ကျန်တဲ့ ကျွန်တော်တို့ရွာအတွက် ဆန် ၂ အိတ်နဲ့ ခြင်ထောင် ၈ လုံး ဆို ပြီးပေးသွားတယ်။ ဘယ်လောက်မလဲဗျာ။’

ဒါဆို ရှင်းနေပါပြီ။

မပြီးသေးဘူးဆိုပြီး ၀ိုင်းချီးကျူးကြဦးမယ်ထင်တယ်။ မနေ့ က မရေးဖြစ်တာလေးတွေ၊ရေးပြီးမှစဉ်းစားမိတာလေးတွေရှိလာလို့ပါ။
ဆက်ရအောင်ဗျာ။ ဒီဗေဒင်ဆိုတာကို ယုတ္တိဗေဒ (Logistic) နည်းနဲ့ ကြည့်ရအောင်ဗျာ။ ဗေဒင်သွားမေးတာ လို့ပြောကြတယ်နော်။
တစ်ကယ်လား။ ဗေဒင်သွားမေးတာဆိုရင်ဗေဒင်ဆရာကိုသွားမေးတယ်လို့ယူဆရင်ရမယ်နော်၊ဟုတ်ပြီလား၊ဗေဒင်ဆရာကို မမေးရဘဲ
သူကချဉ်းမေးရင်တော့ ဒါဗေဒင်ဆရာမေးတာသွားဖြေတာပေါ့။ ကဲ.. စမယ်ဗျာ။ ဗေဒင်ဆရာဆီရောက်ရောက်ချင်း ဘယ်သူကဘယ်သူ့ကိုစပြီးမေးတာတဲ့လဲ။ သေချာစဉ်းစားပါ။ ဟုတ်ပါတယ်။ ဗေဒင်ဆရာကစပြီးမေးခွန်းတွေ မေးပါတယ်။
ကိုယ့်ရဲ့ နာမည်၊မွေးသက္ကရာဇ်၊နေရပ် နဲ့ လက်ရှိကြုံနေရတဲ့ အခက်အခဲ အစရှိတာတွေ ကိုကိုယ်က ပြောပြရပါတယ်။
သူမေးလို့ပါ။ ဒီလိုမေးတော့ ကိုယ်က အပူသည် ဆိုတော့ ကိုယ့်အကြောင်း အကုန်နီးပါး သူ့ကို ပြောပြီးဖြစ်သွားရောပေါ့။ ဟုတ်တယ်နော်။ လင်ပူ၊သားပူ နဲ့ ရီးစား ပူမိနေတဲ့သူတွေဆိုပိုဆိုးဦးမယ်။ လာကတည်းက ကူပါယူပါဆိုတော့ သူတို့ ဗေဒင်ဆရာတွေက
အကြိုက်ပေါ့ဗျာ။နောက် တော့ ကိုယ်က ကိုယ့်အကြောင်းတွေပြောလို့ဝတော့မှ သူက ဘာရယ်ညာရယ် ဆိုပြီး ကိုယ်ပြောတာတွေကို နင်းပြီးဟောတာပါ။ ဟုတ်တယ်နော်။ ဘယ်ဗေဒင်ဆရာကမှ ကိုယ့်ဆီဗေဒင်လာမေးတယ်ဆိုတဲ့ သူကို ရောက်ရောက်ချင်း ခင်ဗျားကတော့ ဘယ်သူဘယ်ဝှာ၊ဘယ်အရပ်မှာနေတာမလား၊ခုဘာညာဖြစ်နေလို့ လာတာမလား ဆိုပြီး မပြောနိုင်ကြပါဘူး။ စောစောက ပြောသလို
ကိုယ်က(ဗေဒင်မေးတယ်ဆိုတဲ့သူက) ပြောတဲ့အချက်တွေကိုနင်းပြီး သူတို့ကတန်ပြန် အကွက်ဆင်လို့ ဟောရတာမဟုတ်လား။ ဒီတော့
ကျွန်တော်ပြောသလို ဗေဒင်သွားမေးတာ မဟုတ်ဘဲ အမေးခံဖို့သွားနေတာပါ။ဒီလိုရှင်းရင် သဘောကျမလားမသိဘူး။လဂွန်းအိန်ကတော့ ဒီလိုပဲ မြင်တာပဲဗျာ။ဂွစာကြီးလို့ ထင်ချင်လဲထင်ကြပါ။

နောက်ပြီး သဘောမကျတာတစ်ခုက ဘုရားထီးတင်တဲ့ကိစ္စလို အရေးကြိးတဲ့သာသနာရေး ကိစ္စတွေမှာ ဒီဗေဒင်ဆရာတွေ ၊ အခါပေးဆရာတွေ ၀င်ပါပြီး တွက်ချက် အခါပေးတာပါပဲ။ ဘုရားတည်တာ နဲ့ ဘုရားထီးတင်တယ်ဆိုတဲ့ ကိစ္စမျိုးဟာ ကြီးကျယ်တဲ့ကိစ္စပါ။
နဲနဲ နောနော ကုသိုလ်ကောင်းမှုမဟုတ်ပါဘူး။အားလုံးသိပါတယ်။ ဒီလိုကောင်းမှုကြီး၊ ဘုရားပုထိုးတည်တဲ့ကိစ္စမှာ သူတို့ဝင်ပြီး ကောင်းလားကောင်းရဲ့နဲ့ ဆုံးဖြတ်ရအောင် ဒီစေတီပုထိုး ဆိုတာ သူတို့မူပိုင်ပါလား၊သူတို့လက်အောက်ခံလား။ နဲနဲတော့ပြင်းသွားတယ်ထင်ပါတယ်။ ဗေဒင်ဆရာတွေကြားရင်တော့ ရိုက်ပေါက်ပဲ။ဟဲ..ဟဲ။ဗေဒင်အမေးကောင်းပြီး မင်းတုန်းမင်ကိုတော်လှန်ကြတဲ့ မြင်ကွန်း၊မြင်းခုံတိုင် မင်းသား ၂ ပါးလဲ ခွေးပြေးဝက်ပြေး ပြေးရ၊ အခါပေးတဲ့ ဦးပုည လဲသေဒဏ် အပေးခံရနဲ့ ။ အပျက်ပျက် နဲ့ နှာခေါင်းသွေးထွက် ခဲ့တာလေးလဲ ရှိဖူးတယ်ခင်ဗျ ။

ဟုတ်ပါပြီ။ဒါဆို ဗုဓ္ဓအလောင်းအလျာ နိမိတ်ကြီး ၄ ပါးမြင်လို့တောထွက်ဖို့ စဉ်းစားတော့ ဗေဒင်ဆရာဆီသွားပြီး အခါတောင်းပါသလား။
ဗိုလ်ချုပ် တိုင်းပြည်လွတ်လပ်ရေးအတွက် ရန်ကုန်ကနေ တရုပ် ပြည် အမ္မိုင် ကိုရေကြောင်းနဲ့ ခိုးထွက်တုန်းကရော။
ဗေဒင်မေးပြီးမှသွားတာလား။ အမေရိကန်ပြည်ထောင်စု ကလွတ်လပ်ရေးကြေညာတော့ရော။ ဗေဒင်ဆရာတွေပါ
ပါသလား။ရိုက်ညီနောင် လေယာဉ် ကိုတီထွင်ပြီး ပထမဆုံးစမ်းသပ်တော့ရော။ မအောင်မြင်တော့ လဲနောက်တစ်ခေါက်ပေါ့။ဟုတ်ဖူးလား။
ဗေဒင်ဆရာ မလိုခဲ့ကြပါဘူး။ ဇွဲဝီရိယ သာအဓိကပါ။ယုံကြည်ချက်သာအဓိကပါ။ ဘုရားဟော လဲရှိပါတယ်ဗျာ။ အတ္တဟိ အတ္တနော နာထော .. ကိုယ့်ကိုယ်ကို သာကိုးကွယ်ရာ၏ တဲ့။

လဂွန်းအိန်တို့တော့ ကြီးကြီးကျယ်ကျယ်လုပ်ချလိုက်ပြန်ပြီ။သဘောထားအမြင်တွေဘာတွေထုတ်လို့။
ဒီလိုတွေးပြီးရယ်မိကြမယ်ထင်ပါတယ်။ဒါပေမယ့် ကျွန်တော်ကတော့ ကိုယ့်အမြင်နဲ့ အတွေးတွေကိုဝေမျှချင်တာ သပ်သပ်ပါ။
ရေးတော့လဲ ခေါင်းစဉ်က ဘာကြီးမှန်းမသိ။ဗေဒင်ဆိုတော့ ၂ ထပ်ကွမ်း ဟားစရာကြီးဖြစ်ရင်လဲဖြစ်နေမှာပေါ့နော်။ကဲ.. ဘာဘဲဖြစ်ဖြစ် စလိုက်ရအောင်ဗျာ။

ဗေဒင်ဆိုတာ သမိုင်းကြောင်းအရတော့ အိန္ဒိယတိုက်ငယ်မှ မြန်မာနိုင်ငံထဲကို ဟိန္ဒူ ယဉ်ကျေးမှုနဲ့ အတူစီးဝင်လာခဲ့တာပါ။မြန်မာများကတော့ဗြဟ္မာဏ ကျမ်းစာတွေကနေ တစ်ဆင့် သင်ယူလက်ခံကြပါတယ်။
သမိုင်းအတိအကျ မရှိပေမယ့် AD တစ် ရာစုလောက်ကစတင်ဝင်ရောက်မယ်လို့ခန့်မှန်းရပါတယ်။ ပုဂံမတိုင်မှီ ပျူ လူမျိုးတွေဟာ ဒီဗေဒင်တင်မက အဆောင်လက်ဖွဲ့ တွေမှာ အထူးကျွမ်းကျင်တယ်ဆိုတာ ဖတ်ရမှတ်ရဘူးပါတယ်။ နောက် ဗမာ လူမျိုးတွေရဲ့ ဘိုးဘွားတွေ မြန်မာနိုင်ငံ အထက်အလယ်ပိုင်း ကိုအလုံးအရင်းနဲ့ ပြောင်းရွေ့ လာတဲ့နောက်မှာတော့ ပျူတွေ နဲ့ မွန်တွေ ဆီကနေ စာပေ၊ယဉ်ကျေးမှု၊ အနုပညာ၊စိုက်ပျိုးရေး နဲ့ ဘာသာရေးတွေကိုပါ လက်ဆင့်ကမ်း သင်ယူပါတယ်။ ပျူတွေမရှိတော့(သေချာမသိနိုင်ပါ၊အချို့သမိုင်းဆရာများကတော့ ယနေ့ ယော နယ်တ၀ိုက်နေ စကားဝဲ၀ဲ ဗမာများကို ပျူအဆက်အနွယ်များအဖြစ် သတ်မှတ်ရန်ကြိုးစားလေ့လာနေကြဆဲဖြစ်)တဲ့နောက်ပိုင်းမှာလဲ ဗမာများက ကြိုးစားလေ့လာကြပါတယ်။ ဘာသာရေးနဲ့ရောထွေးခဲ့ပြီး ပွဲကျောင်းလို့လူသိများတဲ့ မဟာယနနွယ် တဲ့ကျောင်းတွေမှာ အဓိက သင်ကြားခဲ့ဘူးပြီး ခေတ်အဆက်ဆက် ကောင်းစားခဲ့ကြတယ်။မြန်မာ ရာဇ၀င် တစ်လျှောက်မှာလဲ ဒီဗေဒင် ကို ရာဇ၀ံသ မင်းမျိုးတွေ ကိုယ်တိုင်အများဆုံး အားပေးထောက်ခံခဲ့ကြ၊လိုက်စားခဲ့ကြတာပါ။ မင်းဆရာ၊ရာဇပရောဟိတ်၊ပုဏား၊နောက်ဆုံးအယူတော်မင်္ဂလာ ဆိုလို့ ဘွဲ့တွေ တစ်သီတစ်တန်းကြီးနဲ့ ဆွေစဉ်မျိုးဆက်ကောင်းစားခဲ့ဖူးပါတယ်။ မင်းဧကရာဇ် တို့ ကလဲ လုပ်စရာ ၊ကိုင်စရာတွေရှိ ရင် လုပ်သင့်မလုပ်သင့် ကိုသူတို့တွေနဲ့ မပြတ်ဆွေးနွေးအကြံတောင်းပါတယ်။ ပေးတဲ့အကြံ အတိုင်းလုပ်လို့ အောင်မြင်တာတွေရှိသလို၊
မအောင်မြင်တာတွေလဲ ဒုနဲ့ဒေးပါ။ လက်လှမ်းမှီတဲ့ မအောင်မြင်တဲ့ သာဓက များကတော့ ကုန်းဘောင်ခေတ် ဘိုးတော်ဘုရား(ဗဒုံမင်း) လက်ထက် ယိုးဒယား ကို စစ်ချီမယ်လုပ်တော့ မကောင်းဘူး မချီသင့်ဘူးလို့ ဟောကြပါတယ်။ ဘုရင် ကမရဘူး တိုက်ကိုတိုက်မယ် ဆိုတော့ တစ်ထစ်လျော့ ပြီး ယတြာ ချေရင်တော့ ရနိုင်တယ် ဆိုပြီး စစ်ထွက်အခမ်းအနားကို ယတြာအစီအရင် နဲ့ ကျင်းပချီတက်ပါတယ်။
ဒါပေမယ့် တိုက်တိုင်းရှုံး ပြီး ရှက်ရှက်နဲ့ ပြန်လာရဘူးပါတယ်။ နောက်သာဓကတစ်ခုကတော့ သိပ်မဝေးသေးပါဘူး။ ဦးနေ၀င်းပါ။ ၈၈ အရေးအခင်းမတိုင်ခင်လေးကာလတွေမှာ သူကိုးကွယ်တဲ့ ဘိုးတော်(တိမ်ကြားမင်းခေါင် ဆိုလား ချုံကြားဖင်ပြောင်ဆိုလား) က မဖြစ်တော့ဘူး။ကံဇာတာ စန်းလာဘ်တွေ သိပ်ကိုမှေးမှိန်နေပြီ၊ မသန့်ဘူး။ ဂြိုလ်စီးဂြိုလ်နင်းလဲမလွတ်ဘူးဆို ပြီး မဟာဝိဇယ စေတီရင်ပြင်မှာ(အချို့ကလဲရွှေတိဂုံရင်ပြင်လို့ပြောပါတယ်။အတိအကျတော့ လဂွန်းအိန်မသိနိုင်ပါ။)အခေါင်းထဲ ဆိတ်သွေးအပြည့်ထည့်ပြီး ၀င်စိမ်ရပါသေးတယ်။ နောက်တဘောင်ပေါ်ပါသေးတယ်။အဲဒါကတော့ ဗဟုသုတ အဖြစ်မျှဝေလိုက်ပါတယ်။
.. ကုလားဘုရားထီးတော်တင်၊နေမင်းကြီိးက၀င်
နေ၀င်သော်လဲ လမထွက်၊တိုင်းပြည်ကြီးကပျက်။… ဆိုပြီးတော့ပါ။
သဘောကတော့ ကုလားဘုရားဆိုတာက သူတည်နေတဲ့ မဟာဝိဇယ စေတီပါ။ နီပေါ ဘုရင် လက်ဆောင်ပေးတဲ့ ဆင်းတုကို ဌာပနာပြုပြီးတည်တာပါ။ဒါကိုထီးတင်ရင် ဦးနေ၀င်းကြီး ပြုတ်ပြီဆိုတာပါပဲ။ နေ၀င်သော်လဲ လမထွက် ဆိုတာ သူပြုတ်ပေမယ့် သူ့ လက်ရင်းတပည့်ကြီး ဦးစန်းယု အာဏာ လက်မလွဲနိုင်တာပါ။ ဒီတော့တိုတို ပြောရင် ပြည် ပျက်ကိန်းမြင်တယ်ပေါ့။ ဒါဆိုရင်လည်း ယတြာယာ ဆက်ချေပေါ့။ ပြည်ပျက်မယ်ဆိုတောင် လုံးလုံးမပျက်အောင် ပြည်မြို့လောက်ပဲ ဆူအောင် ဖန်တီးပေါ့။ ဒီလိုနဲ့ ပြည်မြို့မှာ ကုလား-ဗမာ ရိုက်ပွဲကြီး ကိုသွေးထိုးဖန်တီးခဲ့ပါတယ်။ နောက်ဆုံးတော့ သင်္ခါရ သဘောကို မလွန်ဆန်နိုင်ဘဲ အာဏာလက်လွတ် ငှက်တောင် ကျွတ်လို့ အဆုံးတစ်နေ့မှာတော့ သူရွှေထီးဆောင်းစဉ်က သူ့ကိုမော် တောင်မကြည့်ရဲခဲ့တဲ့ သူလို စစ်အာဏာရူး တစ်စုက
ပြန်ပြီး ၀ိုင်းသမ တာခံလိုက်ရပါရောလား။

ကဲ .. ဒါဆို ဗေဒင်ကို ယုံလား၊မယုံဘူးလား။ လဂွန်းအိန် ကိုလာမေးရင်တော့ မယုံပါဘူးခင်ဗျာ။ ဘာလို့ပါလဲ။ဘာမှကိုကောင်းကျိုးမှမပေးလို့ပါခင်ဗျာ။ ဟုတ်ပါတယ်။ မြန်မာတွေယုံတဲ့ဗေဒင်က သူ့ကျွန်ဘ၀မရောက်ဖို့ ကိုကယ်နိုင်ခဲ့ပါသလား။ (မရပါ။) ဒါဆိုရင် လွတ်လပ်ရေးရအောင်ရော စွမ်းဆောင်ပေးနိုင်ခဲ့ပါသလား။(မရပါ။)
ကိုယ်တွေက ဗေဒင်ကုန်းတွက် ၊ ယတြာယာတွေ လှိမ့်ချေ နေတုန်း ဘာဆိုဘာမှ မယုံတဲ့ ၊အရာရာကို အခြေခံကျကျ လေ့လာပြီး ဇွဲဝီရိယ ကောင်းကောင်းနဲ့ကြိုးစားတဲ့ အင်္ဂလိပ် များက ၀င်သိမ်းတာခံလိုက်ရပါရောလား။ ဒါတင်ဘယ်ကမလဲ ကမ္ဘာ့မြေပုံကြီးတောင် သူတို့ခါးမှာပတ်ခဲ့ကြသေး။ နေမ၀င်အင်ပါယာပေါ့။

နောက်ကြုံလို့ ပြောရဦးမယ် ။ ဗေဒင်တော့မဟုတ်ပါ။ အစွဲအလန်းလေးတွေကိုပါ။ ကားသွားနေရင်း အချိန်မေးတာ မကြိုက်ဘူးဆိုတာမျိုးပေါ့။ သူများတွေဆီမှာ ဂြိုလ်တုတွေ တစ်ဒိုင်းဒိုင်းလွတ်နေတာ အချိန်အတိအကျနဲ့ပါ။ နောက် လေယာဉ်တွေ လဲဒီလိုပဲ ဘယ်အချိန်ထွက်ပြီး၊ဘယ်အချိန်ဆိုက်ပါ့မယ် လို့အစကတည်းက ကြေညာပြီးသား။လေယာဉ်နော်။လေထဲပျံမှာ။
ကားလိုကုန်းပေါ် မှာ သွားတာမဟုတ်ဘူးဗျ။ ပျက်ပြီဆိုတာနဲ့ ပြေးပေါက်မရှိဘူး။အသေလို့ သာမှတ်။
ကားကမှရှင်နိုင်သေးတယ်။ကျွန်တော် ၂ခေါက် ၃ခေါက်လောက် ဖြေရှင်းကြည့်ဖူးပါသေးတယ်။ မအောင်မြင်ပါဘူး။စိတ်နာတာနဲ့ နောက် ဘယ်သူ့မှ ရှင်းမနေဘူး။အောင့်အီးနေပစ်လိုက်တယ်။

ဗေဒင်နဲ့ပတ်သတ်လို့ဆက်ပြောရအောင်။ လူဦးရေ သန်းပေါင်းများစွာအတွက် တွက်နည်းချက်နည်းက နည်းနည်းလေး။ အချိုးချတောင်မျှပါ့မလားမသိဘူး။ ဒီအချိန်၊ဒီရာသီဖွား က ကောင်းတယ်၊ဆရာဝန်ကြီး၊စစ်ဗိုလ်ကြီး၊ အင်ဂျင်နီယာကြီးဖြစ်မှာ ဆိုပြီးညာရွှီးကြပါတယ်။ ဒီလိုဆို ဒီတစ်လောကလုံး က ဆရာဝန်တွေ၊စစ်ဗိုလ်တွေ၊ အင်ဂျင်နီယာကြီးတွေ က တစ်ချိန်တည်းမွေးခဲ့ကြတာလား။(မဟုတ်ပါ)။ဒါဆို နိုင်ငံခေါင်းဆောင်တွေ ရော။ တစ်ချိန်တည်းမွေးကြတာလား။(မဟုတ်ပါ)။
စဉ်းစားကြည့်ရင်ရိုးရိုးလေးပါ။ ဘယ်လိုမှ ဒေါင့်မစေ့ပါဘူး ။ နောက် ရာထူးတိုးချင်ရင် ဗေဒင်ဆရာဆီသွားပြီး ကူပါကယ်ပါနဲ့။
တစ်ကယ် ရာထူးတိုးပေးမယ့် အထက်အရာရှိဆီသွား ပြီးဆက်ဆံရေး ကောင်းအောင် သွားပြီး ပြုံးပြတာကမှ ပိုလို့အကျိုးရှိဦးမယ်။
ကောင်းတာလုပ်ရင်ကောင်းတာရမှာပဲ။ဆိုးတာလုပ်ရင်ဆိုးတာရမှာပဲ။ ပြီးတော့ အောင်မြင်တယ်ဆိုတာ က ဒီကံတစ်ခုတည်းက အရင်းခံမှ
မဟုတ်တာ။ ဘုရားဟော အတိုင်းဆိုရင် ကံ၊ဥတု၊အာဟာရ၊စိတ် ဆိုပြီး ၄မျိုးတောင်ရှိတာ။

နောက်ပြီးဗေဒင်အတွက်ကောင်းလို့(အတတ်ဟော၊နိမိတ်ကောက်လို့ပြောရမှာပါ) အသက်ခံခဲ့ရတဲ့သူလည်းရှိပါသေးတယ်။
ညောင်ရမ်းခေတ်ရဲ့ နောက်ဆုံးဘုရင်ပါ။ သူဟာ ဟံသာဝတီ(ပဲခူး-မွန်)တွေနဲ့စစ်ဖြစ်၊ရှုံးတော့ အင်းဝ ကနေ ဟံသာဝတီ ကို သုံပန်းအဖြစ်ပါသွားပါတယ်။ အနော်ရထာက မနုဟာ(မကုတ လို့လဲ နာမည်ကွဲရှိပါတယ်)ကိုပုဂံ ခေါ်ခဲ့သလိုပေါ့။ နောက် အလောင်းဘုရား ဦးအောင်ဇေယျက ဗမာအပါအ၀င် ကျန်မြန်မာတိုင်းရင်းသားတွေကိုစုစည်းပြီး ဟံသာဝတီကို စစ်ပြိုင်ပြုပါတယ်။အဲဒီ အချိန်မှာ ဟံသာဝတီ နေပြည်တော် နန်းတွင်းမှာ အံ့ဘွယ် ဖြစ်ရပ်တစ်ခု ပေါ်ပါတယ်။ ငါးကိုဆားနယ်ပြီး လင်ဗန်းမှာတင်တာ ကို ငါးက မသေမရှင်ဖြစ်ပြီး
ဗန်းဘောင်ပေါ်တင်နေတာပါ။ဗန်းအပြင်ရောက်တဲ့ခေါင်းပိုင်းကတော့ လုံးဝ မလှုပ်နိုင်ဘဲ ဗန်းအတွင်းကျန်နေတဲ့ အမြှီးပိုင်းကတော့
တစ်ဖက်ဖက်နဲ့ ခုန်နေပါတယ်။ ဒါကိုတွေ့တော့ အဲဒီနန်းကျဘုရင် ကြာသာပတေးမင်း ကအတိတ်ကောက်ပါတော့တယ်။ ငါးကို ဒို့ ဗမာလူမျိုးလို့ယူမယ်ဆိုရင် ခေါင်းနဲ့တူတဲ့ ငါကတော့ ကိစ္စပြီးနေပြီ။ ဒါပေမယ့်အမြှီးပိုင်းက လှုပ်နေသေးတော့ ငါတို့လူမျိုးဟာ ခေါင်းအသစ်နဲ့တွေ့ရင် ပြန်ရှင်သန်ကြီးပွားနိုင်သေးတယ်လို့ အတိတ်ကို ကောက်ယူပါတယ်။ ဒါကို ကြားတဲ့ ဟံသာဝတီဘုရင် ဗညားဒလဘွဲ့ခံ ဦးအောင်လှက
ဒီလူတော့ မဖြစ်ဘူး။သိပ်စိတ်မကုန်ချင်သေးဘူး။တော်ကြာ လူစုပြီးလမ်းပေါ်ထွက်ဆန္ဒပြ.. အဲ.အဲ.. ပြန်ချနေမှခက်ကုန်မယ်။ဒီတော့…ခု ရှင်းမှ နောက်အေးမယ် လို့အတွေးပေါက်လာလို့ ရေတွင်ချလို့ကွပ်စေ ဆိုပြီးသေဒဏ်ပေးပါလေတော့တယ်။

အချုပ် အားဖြင့်ဆိုရရင်တော့ ဒီဗေဒင်၊ယတြာ တွေ ဟာ စိတ်ဓာတ်ယိုင်နဲ့စေတယ်။ ကိုယ့်ကိုကိုယ် ယုံကြည်မှု အားနည်းစေတယ်။
ပျော့ညံ့စေတယ်။အယုံလွယ်တော့ အလိမ်ခံရတာလဲ လွယ်တာပေါ့ဗျာ။ချင့်ချိန်ပေါ့။မယုံမရ၊မနေနိုင်ရင်လဲ လျှော့ကြပေါ့။စေတနာပါ။